قازاقستان بوكس فەدەراتسياسىنىڭ پرەزيدەنتى وليمپيادانىڭ ەكى دۇركىن كۇمىس جۇلدەگەرى بولات جۇمادىلوۆكە جاڭا كولىك سىيلادى، دەپ حابارلايدى "ادىرنا" ۇلتتىق پورتالى.
تەمىر تۇلپاردىڭ كىلتىن فەدەراتسيا باسشىسىنىڭ كومەكشىسى ابزال تۇڭعىشباەۆ تابىس ەتكەن.
بۇل تۋرالى جۋرناليست نۇرسەيىت جىلقىشىباي Instagram پاراقشاسىندا جازدى.
ونىڭ ايتۋىنشا، ءجۇمادىلوۆ كولىكپەن قاتار بەكزات ءساتتارحانوۆ اتىنداعى سپورت كەشەنىنە جۇمىسقا دا قابىلداندى.
ەسكە سالا كەتەيىك، بولات ءجۇمادىلوۆ - قازاق بوكسىنىڭ تاريحىنداعى ەڭ تانىمال سپورتشىلاردىڭ ءبىرى. 1973 جىلى وڭتۇستىك قازاقستان وبلىسىندا تۋعان. قازاقستاننىڭ ەڭبەك سىڭىرگەن سپورت شەبەرى. اتلانتا-1996 جانە سيدنەي-2000 وليمپياداسىنىڭ كۇمىس جۇلدەگەرى، 1999 جىلعى الەم چەمپيونى.
ۇقساس جاڭالىقتار
