پرەزيدەنت قاسىم-جومارت توقاەۆ تاجىكستان پارلامەنتى جوعارى پالاتاسىنىڭ توراعاسى رۋستامي ەموماليدى ءىى دارەجەلى "دوستىق" وردەنىمەن ماراپاتتادى. بۇل تۋرالى اقوردا جاريالادى، دەپ حابارلايدى “ادىرنا”.
"مەملەكەت باسشىسى ەكىجاقتى ستراتەگيالىق سەرىكتەستىكتى نىعايتۋعا ولشەۋسىز ۇلەس قوسقانى ءۇشىن رۋستامي ەموماليدى ءىى دارەجەلى "دوستىق" وردەنىمەن ماراپاتتادى، دەلىنگەن حابارلامادا.
ەسكە سالايىق، بۇعان دەيىن مەملەكەت باسشىسى تاجىكستان پارلامەنتى جوعارى پالاتاسىنىڭ توراعاسى رۋستامي ەموماليدى قابىلداعان ەدى.
كەزدەسۋدە پرەزيدەنت قاسىم-جومارت توقاەۆ پەن تاجىكستان پارلامەنتىنىڭ جوعارى پاداتاسىنىڭ توراعاسى رۋستامي ەمومالي قازاق-تاجىك ستراتەگيالىق سەرىكتەستىگى جانە وداقتاستىق قاتىناستارىن پارلامەنتارالىق بايلانىستاردى دامىتۋ تۇرعىسىنان تالقىلادى.
تاجىكستان پارلامەنتى جوعارى پالاتاسىنىڭ سپيكەرى قوناقجايلىق تانىتقانى ءۇشىن مەملەكەت باسشىسىنا العىس ايتىپ، تاجىكستان پرەزيدەنتى ەمومالي راحموننىڭ سالەمىن جەتكىزدى.
