اباي وبلىسىنىڭ بەستەرەك اۋىلىندا جول-كولىك وقيعاسىنان زارداپ شەگىپ، ءۇرىجار اۋداندىق اۋرۋحاناسىندا باقىلاۋدى بولعان قىز سەمەي قالاسىنا جەتكىزىلدى، دەپ حابارلايدى "ادىرنا" ۇلتتىق پورتالى.
جول اپاتىنان زارداپ شەككەن قىزدى اۋداندىق اۋرۋحانادان سانيتارلىق اۆياتسيامەن سەمەي قالاسىنداعى مەديتسينالىق ۋنيۆەرسيتەتتىڭ گوسپيتالىنىڭ بالالار بولىمشەسىنە جەتكىزدى.
“اۋىر جاراقاتتارى مەن تاسىمالداۋ كەزىندە ومىرىنە قاۋىپ ءتونۋ قاۋپى بولعاندىقتان، بالانى بىردەن وبلىس ورتالىعىنا جەتكىزۋ مۇمكىن بولمادى. تۇراقتى باقىلاۋ مەن تەكسەرۋلەردەن كەيىن جاعدايى اۋە تاسىمالىنا جارامدى دەپ تانىلدى. وسىدان كەيىن سەمەيگە كوشىرۋ تۋرالى شەشىم قابىلداندى”، – دەپ مالىمدەدى اباي وبلىسىنىڭ دەنساۋلىق ساقتاۋ باسقارماسى.
ەسكە سالا كەتەيىك، 19 تامىزدا اباي وبلىسىنىڭ بەستەرەك اۋىلىندا 55 جاستاعى جۇرگىزۋشى كوشەدە، جولدان 10 مەتر قاشىقتىقتا تۇرعان بالالاردى قاعىپ كەتتى. سالدارىنان ەكى بالا وقيعا ورنىندا كوز جۇمدى، بىرەۋى مەديتسينالىق مەكەمەگە بارا جاتقان جولدا قايتىس بولدى. تاعى ۇشەۋى ءتۇرلى جاراقاتپەن اۋرۋحاناعا جەتكىزىلدى.
كەيىن قازا تاپقان بالالاردىڭ جاسى 2 مەن 7 جاس ارالىعىندا، ال جاراقات العان ءۇش بالانىڭ جاسى 6 مەن 9 جاس ارالىعىندا ەكەنى بەلگىلى بولدى.
