Abai oblysynyŋ Besterek auylynda jol-kölık oqiǧasynan zardap şegıp, Ürıjar audandyq auruhanasynda baqylaudy bolǧan qyz Semei qalasyna jetkızıldı, dep habarlaidy "Adyrna" ūlttyq portaly.
Jol apatynan zardap şekken qyzdy audandyq auruhanadan sanitarlyq aviasiiamen Semei qalasyndaǧy Medisinalyq universitettıŋ gospitalınıŋ balalar bölımşesıne jetkızdı.
“Auyr jaraqattary men tasymaldau kezınde ömırıne qauıp tönu qaupı bolǧandyqtan, balany bırden oblys ortalyǧyna jetkızu mümkın bolmady. Tūraqty baqylau men tekserulerden keiın jaǧdaiy äue tasymalyna jaramdy dep tanyldy. Osydan keiın Semeige köşıru turaly şeşım qabyldandy”, – dep mälımdedı Abai oblysynyŋ densaulyq saqtau basqarmasy.
Eske sala keteiık, 19 tamyzda Abai oblysynyŋ Besterek auylynda 55 jastaǧy jürgızuşı köşede, joldan 10 metr qaşyqtyqta tūrǧan balalardy qaǧyp kettı. Saldarynan ekı bala oqiǧa ornynda köz jūmdy, bıreuı medisinalyq mekemege bara jatqan jolda qaitys boldy. Taǧy üşeuı türlı jaraqatpen auruhanaǧa jetkızıldı.
Keiın qaza tapqan balalardyŋ jasy 2 men 7 jas aralyǧynda, al jaraqat alǧan üş balanyŋ jasy 6 men 9 jas aralyǧynda ekenı belgılı boldy.
