تاجىكستان پرەزيدەنتى ەمومالي راحموننىڭ كەنجە قىزى 27 جاستاعى فارزونا ەمومالي تاجىكستاننىڭ دەنساۋلىق ساقتاۋ جانە حالىقتى الەۋمەتتىك قورعاۋ مينيسترلىگىنىڭ باسقارما باستىعى بولىپ تاعايىندالدى، دەپ حابارلايدى “ادىرنا” Tengrinews.kz سايتىنا سىلتەپ.
«جاس ماماننىڭ كاسىبي بىلىكتىلىگى مەن داعدىلارىن ەسكەرە وتىرىپ، بيىل دەنساۋلىق ساقتاۋ جانە حالىقتى الەۋمەتتىك قورعاۋ ءمينيسترىنىڭ بۇيرىعىمەن فارزونا ەمومالي مينيسترلىكتىڭ ورتالىق اپپاراتى جانىنداعى رەفورمالار، العاشقى مەديتسينالىق-سانيتارلىق كومەك جانە حالىقارالىق بايلانىستار باسقارماسىنىڭ باسشىسى بولىپ تاعايىندالدى»، – دەلىنگەن مينيسترلىك حابارلاماسىندا.
ەمومالي راحموننىڭ كەنجە قىزى فارزونا ەمومالي 1998 جىلى 4 شىلدەدە دۋشانبە قالاسىندا دۇنيەگە كەلگەن. ورتا مەكتەپتى بىتىرگەن سوڭ، 2014 جىلى م.ۆ. لومونوسوۆ اتىنداعى ممۋ-دىڭ دۋشانبە قالاسىنداعى ليتسەيىنىڭ فيليالىنا ءتۇسىپ، ونى ۇزدىك بىتىرگەن.
سول جىلى ابۋالي يبن سينو اتىنداعى تاجىك مەملەكەتتىك مەديتسينالىق ۋنيۆەرسيتەتىنىڭ ەمدەۋ ءىسى فاكۋلتەتىنە وقۋعا ءتۇسىپ، 2020 جىلى ونى دا ۇزدىك ديپلوممەن اياقتاعان. 2022 جىلى «پەدياتريا» ماماندىعى بويىنشا كلينيكالىق ورديناتۋرانى اياقتاپ، 2023 جىلى تاجىكستان پرەزيدەنتى جانىنداعى مەملەكەتتىك باسقارۋ اكادەمياسىن دا ۇزدىك بىتىرگەن.
2021 جىلدان باستاپ فارزونا ەمومالي دەنساۋلىق ساقتاۋ مينيسترلىگى اپپاراتى جانىنداعى رەفورمالار، العاشقى مەديتسينالىق-سانيتارلىق كومەك جانە حالىقارالىق بايلانىستار باسقارماسىندا مامان بولىپ جۇمىس ىستەگەن.
جەرگىلىكتى باق-تىڭ جازۋىنشا، فارزونا ەمومالي تۇرمىس قۇرماعان، ءبىر بالا تاربيەلەپ وتىر.
