الماتى وبلىسى ماڭىندا 25 شىلدەدە جوعالعان اسكەري تىكۇشاق ەكيپاجىنىڭ ەكى مۇشەسى تۋعان جەرىنە جەتكىزىلىپ، جەرلەندى، دەپ حابارلايدى "ادىرنا" ۇلتتىق پورتالى.
اسكەري تىكۇشاق ەكيپاجىنىڭ كومانديرى نۇرجىگىت ۇيسىنباەۆپەن قوشتاسۋ ءراسىمى تولە بي اۋدانىنىڭ سۇلتانرابات اۋىلىندا ءوتتى.
مارقۇمنىڭ دەنەسى سوربۇلاق ماڭىندا جوعالعان سوڭ 15 كۇننەن كەيىن سۋ استىنان تابىلدى.
وفيتسەردى سوڭعى ساپارعا شىعارىپ سالۋ ءراسىمى مارقۇمنىڭ ءۇيىنىڭ اۋلاسىندا باستالىپ، سودان كەيىن اسكەري وركەستر اۋەنىمەن جالعاسىپ، اۋىل شەتىنە جەرلەندى. اسكەري قىزمەتكەرلەر كومانديردى قۇرمەتپەن شىعارىپ سالۋ ءۇشىن اسپانعا وق اتتى.
قايتىس بولعان ۇشقىشتىڭ اناسى ونىڭ بالا كەزدەن اسكەري ۇشقىش بولۋدى ارمانداعانىن ايتتى.
نۇرجىگىتتىڭ ارتىندا ءۇش جاستاعى ۇلى قالدى.
اسكەري تىكۇشاق ەكيپاجىنىڭ تاعى ءبىر مۇشەسى باحتيار ەرجىگىتوۆ جەرلەۋ ءراسىمى پاۆلودار وبلىسىندا ءوتتى.
قايتىس بولعان اسكەري قىزمەتكەر - اۆياتسيالىق ەسكادريليانىڭ بورتتىق تەحنيگى. باحتيار ەرجىگىتوۆ پاۆلودار وبلىسى شارباقتى اۋدانى شالداي اۋىلىندا دۇنيەگە كەلگەن جانە وتباسىنداعى جالعىز ۇل بولعان.
9-10 تامىزدا الماتى وبلىسىندا سوربۇلاق كولىندە قۇتقارۋشىلار شامامەن 14 مەتر تەرەڭدىكتەن ەس-145 تىكۇشاعىنىڭ بولشەكتەرى مەن ەكى اسكەري ۇشقىشتىڭ دەنەسىن تاپتى.
ەسكە سالا كەتسەك، 25 شىلدەدە الماتى وبلىسىندا اسكەري ەس-145 تىكۇشاعى راداردان جوعالىپ كەتكەن. 26 شىلدەدە ونىڭ سىنىقتارى سوربۇلاق كولى اكۆاتورياسىنان تابىلدى. ازىرگە تىكۇشاقتىڭ قارا جاشىگىنىڭ تابىلعان-تابىلماعانى حابارلانبادى.
