شىعىس قازاقستان وبلىسىندا ءبىر توپ ەنەرگيامەن جابدىقتاۋشى كومپانيالار ەكى جىل بويى ماينينگ كاسىپورىندارىن زاڭسىز ەلەكتر ەنەرگياسىمەن قامتاماسىز ەتكەن، دەپ حابارلايدى "ادىرنا" ۇلتتىق پورتالى.
اگەنتتىك مالىمەتىنشە، حالىقتىڭ، الەۋمەتتىك نىساندار مەن ستراتەگيالىق كاسىپورىنداردىڭ قاجەتتىلىگىنە ارنالعان ەلەكتر ەنەرگياسى ماينەرلەرگە بەرىلىپ وتىرعان. تۇتىنىلعان ەلەكتر ەنەرگياسىنىڭ جالپى كولەمى 50 مەگاۆاتت-ساعاتتان اسقان. بۇل - حالقى 50–70 مىڭ ادام بولاتىن قالانىڭ تۇتىنۋىمەن شامالاس كورسەتكىش.
ەلەكتر ەنەرگياسىن زاڭسىز ساتۋ فاكتىسىن 9 ملرد تەڭگەدەن استام سوماعا شقو بويىنشا قما دەپارتامەنتى مەن ۇقكد بىرلەسىپ انىقتاعان.
ۆەدومستۆو تۇسىندىرگەندەي، زاڭ بويىنشا ماينينگ كومپانيالارىنا ەلەكتر ەنەرگياسىن تەك بىرىڭعاي مەملەكەتتىك ساتىپ الۋشى ارقىلى جانە كولەمى 1 مەگاۆاتت-ساعاتتان اسپاۋى ءتيىس مولشەردە جەتكىزۋگە رۇقسات ەتىلگەن.
"قىلمىستىق جولمەن الىنعان تابىسقا ۇيىمداستىرۋشى نۇر-سۇلتاندا ەكى پاتەر مەن ءتورت اۆتوكولىك ساتىپ العان. ولارعا سوت سانكتسياسىمەن تاركىلەۋ ماقساتىندا تىيىم سالىندى", - دەلىنگەن قما حابارلاماسىندا.
قازىر تەرگەۋ جالعاسىپ جاتىر. قر قپك-ءنىڭ 201-بابىنا سايكەس وزگە مالىمەتتەردى جاريا ەتۋگە بولمايدى.
