اباي قۇنانبايۇلىنىڭ 180 جىلدىعىنا ارنالعان مەرەكەلىك كونتسەرتتە 15-تەن استام بالا جوعالعانى تۋرالى دەرەك تىركەلگەن، دەپ حابارلايدى "ادىرنا" ۇلتتىق پورتالى.
ءىس-شارا وتكەن قاراۋىل اۋىلىنا 20 مىڭنان استام ادام جينالعان. وبلىستىق پوليتسيا دەپارتامەنتىنىڭ مالىمەتىنشە، ادامدار كوپ شوعىرلانعاندىقتان، ءتارتىپ ساقشىلارى كۇشەيتىلگەن رەجيمدە قىزمەت اتقارعان.
جوعالعان ارلىق بالالار دەر كەزىندە تابىلىپ، اتا-انالارىنا امان-ەسەن تاپسىرىلدى. پوليتسيا قىزمەتكەرلەرى بالالاردى ىزدەستىرۋ ءۇشىن تىكەلەي ەفيرگە شىعىپ، ولاردىڭ بەينەلەرىن كونتسەرت ساحناسىنداعى ۇلكەن ەكراندا كورسەتكەن. بۇل اتا-انالاردىڭ ءوز بالالارىن تەز تانۋىنا مۇمكىندىك بەردى.
سونىمەن قاتار پاترۋلدىك پوليتسيا اۆتوكولىك قوزعالىسىن رەتتەپ، جاياۋ جۇرگىنشىلەردىڭ قاۋىپسىزدىگىن قامتاماسىز ەتىلدى. پوليتسيا پولكوۆنيگى ەرنار بازاروۆتىڭ ايتۋىنشا، كۇشەيتىلگەن رەجيمدەگى جۇمىس ىستەگەن.
