ازەربايجاننىڭ ءبىلىم ساپاسىن قامتاماسىز ەتۋ اگەنتتىگى شەتەلدىك ديپلومداردى تانۋ جونىندە 694 ءوتىنىشتى قارادى. سونىڭ ىشىندە 587 تۇلەككە وڭ شەشىم قابىلدانسا، 107 ادامنىڭ ديپلومى مويىندالمادى، دەپ حابارلايدى "ادىرنا" ۇلتتىق پورتالى.
ديپلومدى تانۋدان نەلىكتەن باس تارتقانى ايتىلدى. ناقتىراق، شەتەلدە وقۋ مەرزىمىنىڭ تىم قىسقا بولۋى، جەكەمەنشىك وقۋ ورىندارىنىڭ ديپلومدارى، وقۋ فورماسىنىڭ تالاپقا ساي كەلمەۋى، وقۋ جۇكتەمەسىنىڭ ايتارلىقتاي ايىرماشىلىعى، وقۋ ورنىنىڭ اككرەديتاتسياسىنىڭ بولماۋى مەن ءبىلىم دەڭگەيى مەن ءپروفيلىنىڭ سايكەس كەلمەۋ سەبەپتەرى اتالعان.
وتىنىشتەردىڭ باسىم بولىگى تۇركيا (285), رەسەي (228), ۋكراينا (55), ۇلىبريتانيا (28) جانە گرۋزيا (25) جوعارى وقۋ ورىندارىنىڭ تۇلەكتەرىنەن تۇسكەن.
ەڭ كوپ سۇرانىسقا يە ماماندىقتار – مەديتسينا جانە دەنساۋلىق ساقتاۋ سالاسى (173 ءوتىنىش), ەكونوميكا (46), بيزنەس باسقارۋ (44) جانە قارجى (30).
