كامبودجا بيلىگى ترامپتى بەيبىتشىلىك سالاسىنداعى نوبەل سىيلىعىنا ۇسىندى. رەسمي حاتتى نوبەل كوميتەتىنە كامبودجانىڭ پرەمەر-ءمينيسترى حۋن مانەت جىبەردى، دەپ حابارلايدى "ادىرنا".
اقپاراتقا سايكەس، كامبودجا ەلى اقش پرەزيدەنتىنىڭ «مەملەكەتتىك دانالىعىن» جوعارى باعالاپ وتىر. سونىمەن قاتار ولار كامبودجانىڭ تايلاندپەن قاقتىعىسىن شەشۋگە دەلدال بولعانى ءۇشىن العىس ءبىلدىردى.
كامبودجالىقتار «اقش پرەزيدەنتى الەمدەگى ەڭ تۇراقسىز ايماقتارداعى شيەلەنىستى جاقسارتۋدا ەرەكشە ناتيجەلەرگە قول جەتكىزدى» دەپ ەسەپتەيدى.
«مەن كامبودجا كورولدىگىنىڭ پرەمەر-ءمينيسترى رەتىندە قۇرمەتتى دونالد ترامپ، امەريكا قۇراما شتاتتارىنىڭ 45-ءشى جانە 47-ءشى پرەزيدەنتى، الەمدىك بەيبىتشىلىكتى ىلگەرىلەتۋگە قوسقان تاريحي ۇلەسىن ەسكەرە وتىرىپ، نوبەل سىيلىعىنا ۇسىنعىم كەلەدى»، — دەپ جازدى حۋن مانەت.
ەسكە سالايىق، دونالد ترامپ ەكى ەلدىڭ باسشىلىعىمەن سويلەسىپ، كامبودجا مەن تايلاندتى تاتۋلاستىرۋعا تىرىستى. ناتيجەسىندە ەكى ەل بىتىمگە كەلدى.
ودان بولەك، ماۋسىمدا پاكىستان بيلىگى دە اقش پرەزيدەنتىن ۇندىستانمەن قاقتىعىستى شەشۋگە دەلدالدىق جاساعانى ءۇشىن 2026 جىلعى بەيبىتشىلىك جونىندەگى نوبەل سىيلىعىنا ۇسىنعان ەدى.
