ءبىلىم بەرۋ سالاسىن تۇراقتى دامىتۋ قورى، Aitas حولدينگى، «قازاقستان حالقىنا» قورى، نازارباەۆ زياتكەرلىك مەكتەپتەرى ەلىمىزدىڭ وقۋ-اعارتۋ مينيسترلىگى قولداۋىمەن «اۋىلدىق ايماقتارداعى تىرەك مەكتەپتەردىڭ الەۋەتىن ارتتىرۋ» اۋقىمدى جوباسىنىڭ سوڭعى كەزەڭىن باستادى.
2025 جىلى جوباعا ەلىمىزدىڭ ءار وبلىسىنان 51 مەكتەپ قاتىسادى. وسىلايشا، 2019 جىلى باستاۋ العان جوبا بارلىعى ەلىمىزدىڭ ءار اۋدانى مەن مونوقالاسىندا 192 وقۋ ورنىن قامتيدى. جوبا ماقساتى – اۋىل مەن قالا مەكتەپتەرى اراسىنداعى ءبىلىم ساپاسىنداعى تەڭسىزدىكتى جويۋعا باعىتتالعان.
2019 جىلى Aitas حولدينگىنىڭ الەۋمەتتىك ميسسياسى اياسىندا ۇلتتىق تىرەك مەكتەپتەر جەلىسىن قۇرۋ ستراتەگياسىن ىسكە اسىرا باستادى. ال 2022 جىلى «قازاقستان حالقىنا» قورى قولداۋى ارقاسىندا اتالمىش جوبا ەلىمىزدىڭ ءار وڭىرىندەگى اۋىل مەكتەپتەرىنە جەتتى. وسى ارالىقتا نازارباەۆ زياتكەرلىك مەكتەپتەرى جوبانىڭ اكادەميالىق سەرىكتەسى بولىپ كەلەدى.
تىرەك مەكتەپتەر جەلىسىنە ەنگەن ءار مەكتەپتە زاماناۋي وقۋ-قۇرالدارى، STEM, روبوتوتەحنيكا كابينەتتەرى، ارت جانە تەلەستۋديا پايدا بولادى. ۇستازدار ەلىمىزدىڭ ۇزدىك ۇستازدارىمەن تاجىريبە الماسادى.
جوبا تولىعىمەن جەكە جانە قايىرىمدىلىق قارجىعا جۇزەگە اسادى. ءار مەكتەپتىڭ جابدىقتالۋىنا «قازاقستان حالقىنا» قورى 250 ملن تەڭگەدەن، جالپى 12,8 ملن تەڭگە ءبولدى. Aitas حولدينگى ءبىلىم بەرۋ سالاسىن تۇراقتى دامىتۋ قورىنىڭ وپەراتسيالىق شىعىندارىن وتەپ بەرسە، «نازارباەۆ زياتكەرلىك مەكتەپتەرى» دببۇ اۋىل ۇستازدارىن ءوز قاراجاتىنا وقىتادى.
تىرەك مەكتەپتەر جەلىسىن دامىتۋ اۋىلداعى ءبىلىم ساپاسىنىڭ تۇراقتى وسۋىنە جانە بالالاردىڭ تەڭ ءبىلىم الۋىنا مۇمكىندىك بەرەدى.
2022-2024 جىلدارى ۇلتتىق تىرەك مەكتەپتەر جەلىسىن قۇرۋ ستراتەگياسى ارقاسىندا ەلىمىزدە 141 اۋىل مەكتەبى تىرەك مەكتەپ ستاتۋسىن الدى. بيىلعى 51 مەكتەپتىڭ ارقاسىندا ولاردىڭ سانى 192-گە جەتەدى. جالپى 1900-دەن استام كابينەت جاڭادان جابدىقتالىپ، 190 مىڭعا جۋىق زاماناۋي جاعدايدا ءبىلىم الادى.
تىرەك مەكتەپتەر از ۋاقىتتا جوعارى ناتيجە كورسەتىپ جاتىر. ۇبت، وليمپيادالار مەن حالىقارالىق جارىس جەڭىسپازدارى سانى ارتۋداى.
ەستەرىڭىزگە سالساق، 2024 جىلدىڭ جەلتوقسانىندا پرەزيدەنت قاسىم-جومارت توقاەۆ جوباعا قاتىسقان حرومتاۋ مەكتەبىنە بارىپ، مەكتەپ پەن ۇستازدارعا جوعارى باعاسىن بەردى. ال پرەمەر-مينيستر ولجاس بەكتەنوۆ اكىمدىكتەر مەن وقۋ-اعارتۋ مينيسترلىگىنە 2025 جىلدىڭ سوڭىنا دەيىن ەلىمىزدە 200 تىرەك مەكتەپ قۇرۋدى تاپسىرعان بولاتىن.
