قازاقستان مەن تۇركيا بۇۇ-نىڭ ليۆانداعى ۋاقىتشا كۇشتەرى (UNIFIL) شەڭبەرىندە بەيبىتشىلىكتى قولداۋ ميسسياسى اياسىندا اسكەري ىنتىماقتاستىقتى نىعايتۋ ماقساتىندا تەحنيكالىق كەلىسىمگە قول قويدى، دەپ حابارلايدى "ادىرنا" ۇلتتىق پورتالى.
قۇجات قازاقستان اسكەري قىزمەتشىلەرىنىڭ تۇركيانىڭ اسكەري-تەڭىز كۇشتەرىنە تيەسىلى كەمەلەردە قىزمەت اتقارۋ ءتارتىبىن، ولاردىڭ ورنالاستىرىلۋى مەن قامتاماسىز ەتىلۋىن انىقتايدى.
كەلىسىمگە سايكەس، ميسسياعا ءۇش قازاقستاندىق وفيتسەر قاتىسا الادى. ولار شتابتىق قىزمەتتەردە دە جۇمىس اتقارا الادى. اسكەري قىزمەتشىلەر التى اي سايىن كەزەكپەن اۋىستىرىلادى. جوسپار بويىنشا، روتاتسيا ءساۋىر جانە قازان ايلارىندا وتەدى.
ۇقساس جاڭالىقتار
