1 تامىزدان باستاپ قازاقستاندا ەلەكتر ەنەرگياسىنا جاڭا شەكتى تاريفتەر كۇشىنە ەنەدى، دەپ حابارلايدى "ادىرنا" ۇلتتىق پورتالى Tengrinews-كە سىلتەپ.
ءتيىستى بۇيرىق "ەلەكتر ەنەرگياسىنا شەكتى تاريفتەردى بەكىتۋ تۋرالى" قۇجات 29 شىلدەدە قر ەنەرگەتيكا ءمينيسترىنىڭ مىندەتىن اتقارۋشى تاراپىنان قول قويىلىپ، جاريالاندى.
جاڭا تاريفتەر ەلىمىزدىڭ ءتۇرلى ايماقتارىندا ەلەكتر ەنەرگياسىن وندىرۋمەن جانە تاراتۋمەن اينالىساتىن بىرقاتار كومپانيالار ءۇشىن بەكىتىلدى.
ءار وڭىردە 0,70 تەڭگەدەن باستاپ، 3 تەڭگەگە دەيىن قىمباتتاعان.
جامبىلدا 22,58 تەڭگەدەن 23,25 تەڭگە/كۆت·ساع، اقتوبە جەو – 17,54 - 18,19 تەڭگە/كۆت·ساع، "جايىقتەپلوەنەرگو" اق – 13,25 - 13,95 تەڭگە/كۆت·ساع، ماەك-كازاتومپروم – 22,16 - 23,26 تەڭگە/كۆت·ساع، "كريستالل مەنەدجمەنت" اق – 15,27 - 16,09 تەڭگە/كۆت·ساع، "اقتوبە رەلس-ارقالىق زاۋىتى" جشس – 21,11 - 23,58 تەڭگە/كۆت·ساع، Z-ەنەرگوورتالىق – 16,77 - 18,46 تەڭگە/كۆت·ساع، قىزىلوردا جىلۋەلەكترورتالىعى – 12,10 - 13,13 تەڭگە/كۆت·ساع، "باتىە پاۋەر" جشس – 15,89 - 17,63 تەڭگە/كۆت·ساع، Karabatan Utility Solutions جشس – 10,67 - 13,06 تەڭگە/كۆت·ساع، "وزەنمۇنايپروم" جشس – 26,92 - 28,68 تەڭگە/كۆت·ساع، "تنك كازحروم" اق – 10,67 - 11,65 تەڭگە/كۆت·ساع، سسگپو اق – 18,82 - 18,94 تەڭگە/كۆت·ساع.
سونىمەن قاتار، ەنەرگيا وندىرەتىن ۇيىمداردىڭ 63-توبىنا ارناپ 44,02 تەڭگە/كۆت·ساع كولەمىندە جەكە تاريف بەلگىلەندى.
بۇعان دەيىن قر پرەمەر-ءمينيسترى ولجاس بەكتەنوۆ تاريفتەردىڭ ءوسۋى جالعاساتىنىن راستاعان بولاتىن. الايدا ول تاريفتەر كۇرت كوتەرىلمەي، بىرتىندەپ جانە ەسەپپەن تۇزەتىلەتىنىن اتاپ ءوتتى. بۇل ينفلياتسياعا كەرى اسەردى بارىنشا ازايتۋعا باعىتتالعان.
بەكتەنوۆتىڭ ايتۋىنشا، قازىرگى تاريفتىك ساياسات ينفراقۇرىلىمدى جاڭعىرتۋ جانە جاڭارتۋ ءۇشىن اسا قاجەت. بۇل، اسىرەسە، 2022–2023 جىلدارى ەكىباستۇز، ريددەر جانە باسقا قالالاردا بولعان جىلۋ-ەنەرگەتيكالىق اپاتتاردان كەيىن وزەكتى بولىپ وتىر.
تاريفتەردىڭ ءوسۋى، ەڭ الدىمەن، ءوندىرۋشى جانە ەنەرگيا جەتكىزۋشى كاسىپورىندارعا قاتىستى. الايدا بۇل تۇرعىندارعا ارنالعان تۇپكىلىكتى تاريفتەرگە دە اسەر ەتۋى مۇمكىن. دەگەنمەن، ءار وڭىردەگى جەرگىلىكتى اتقارۋشى ورگاندار مەن تابيعي مونوپوليالاردى رەتتەۋ كوميتەتى بۇل ءوسىمدى قالاي جانە قاشان تۇرعىندارعا جەتكىزەتىنىن قوسىمشا حابارلايدى.
