الماتى وبلىسىنداعى سوربۇلاق سۋ قويماسىندا بەس كۇن بۇرىن جوعالعان اسكەري تىكۇشاق ەكيپاجى مۇشەلەرىنىڭ جەكە زاتتارى تابىلدى. ىزدەۋ وپەراتسياسى جالعاسىپ جاتىر. بۇل تۋرالى Qogam News تەلەگرام-ارناسى جازدى، دەپ حابارلايدى “ادىرنا”.
سوربۇلاقتا ەكيپاج مۇشەلەرىنىڭ تۋىستارى دا ءجۇر. سولاردىڭ ءبىرى ءىز-ءتۇسسىز جوعالعان باۋىرىنىڭ جەكە گيگيەنا زاتتارى مەن سمارتفون قۋاتتاعىشتارىن اينىتپاي تانىعان.
«مەن جەكە گيگيەنا زاتتارىن تانىدىم. بۇعان قوسا، تەرموستى كوردىم. ونىڭ باۋىرىما تيەسىلى ەكەنى انىق. ءبىر قوراپتاعى ءۇش قۋاتتاعىشتى ول ۇيدە دە قولدانىپ جۇرگەن. بىرەۋى تەلەفونعا، ەكىنشىسى ساعاتقا، ال ءۇشىنشىسى قاراپايىم تەلەفونعا ارنالعان. باۋىرىم ولاردى ءبىر قوراپتا ساقتايتىن»، – دەيدى ەكيپاج مۇشەسىنىڭ ءبىر تۋىسى.
ونىڭ ايتۋىنشا، قۇتقارۋشىلار وعان باۋىرىنا تيەسىلى ەمەس باسقا دا زاتتاردى كورسەتكەن.
قورعانىس ءمينيسترى داۋرەن قوسانوۆ تىكۇشاقتى ىزدەستىرىپ جاتقان ورىنعا كەلىپ، ەكيپاج مۇشەلەرىنىڭ تۋىستارىمەن سويلەستى.
ەسكە سالايىق، EC-145 اسكەري تىكۇشاعى 25 شىلدەدە لۋگوۆويدان ۇشىپ شىعىپ، راداردان جوعالىپ كەتتى. ونىڭ بورتىندا ەكيپاجدىڭ ءۇش مۇشەسى بولعان. اسكەري تەحنيكا مەن ەكيپاج مۇشەلەرى بەس كۇننەن بەرى تابىلمادى.
تىكۇشاق قالدىقتارى الماتى وبلىسىنداعى جاساندى سۋ قويماسى اۋماعىنان تابىلعان.
