ەڭبەك جانە حالىقتى الەۋمەتتىك قورعاۋ مينيسترلىگى 8:00–دەن 17:30–عا دەيىنگى جاڭا جۇمىس كەستەسىنە كوشۋدى وڭ باعالاپ وتىر. بۇل تۋرالى ەڭبەك مەملەكەتتىك ينسپەكتسياسى كوميتەتىنىڭ توراعاسى ەربولات ءابىلحاتين مالىمدەدى، دەپ حابارلايدى "ادىرنا".
سپيكەردىڭ ايتۋىنشا، جۇمىس ۋاقىتىن وسىلاي ۇيىمداستىرۋ تاڭەرتەڭگى كەپتەلىستەن قۇتقارادى جانە قىزمەتكەرلەردىڭ جەكە ۋاقىتىن ءتيىمدى پايدالانۋعا مۇمكىندىك بەرەدى.
"تاڭەرتەڭ جۇمىسقا كەپتەلىسسىز جەتەمىز، 7:30–دا جۇمىسىڭا شىعىپ كەتسەڭ، كوشەلەر بوس. 17:30–دا جۇمىسىڭ اياقتالادى، ءالى جارىق كەزدە جاقىندارىڭا كوڭىل بولۋگە نەمەسە ءوز ىسىڭمەن اينالىسۋعا بولادى. باسقا مەملەكەتتىك ورگاندارمەن ءوزارا ءىس-قيمىلعا كەلسەك، استانا اكىمدىگى دە يكەمدى كەستەگە كوشىپ جاتىر", — دەدى ەربولات ءابىلحاتين ۇكىمەتتەگى بريفينتە.
سونىمەن بىرگە، ەربولات ءابىلحاتين ەڭبەك مەملەكەتتىك ينسپەكتسياسى كوميتەتى قىزمەتكەرلەرى تاراپىنان جاڭا كەستەگە ەشقانداي شاعىم تۇسپەگەنىن اتاپ ءوتتى.
