بۇگىن، 26 شىلدەدە پەتروپاۆل قالاسىنداعى نۇرسۇلتان نازارباەۆ كوشەسىندە ورنالاسقان بەس قاباتتى جاتاقحانادان ءورت شىقتى، دەپ حابارلايدى «ادىرنا» ءتىلشىسى.
توتەنشە جاعدايلار مينيسترلىگىنىڭ مالىمەتىنشە، ءورت عيماراتتىڭ ەكىنشى قاباتىنداعى بولمەلەردىڭ بىرىنەن باستالعان.
«تجم قۇتقارۋشىلارى باسپالداق مارشىمەن 42 ادامدى، ونىڭ ىشىندە 8 بالانى قاۋىپسىز جەرگە كوشىردى. ماماندار ءورتتىڭ كورشى بولمەلەرگە تارالۋىنا جول بەرمەي، ءورتتى شاعىن اۋماقتا ءسوندىردى»،—دەلىنگەن حابارلامادا.
مينيسترلىك ەلەكتر سىمدارىنىڭ جارامدىلىعىن تەكسەرىپ، جەلىنى ارتىق جۇكتەمەۋدى جانە تەك قاۋىپسىز ەلەكتر قۇرالدارىن پايدالانۋدى ەسكەرتەدى.
ەسكە سالايىق، الماتىنىڭ كەڭساي شاعىناۋدانىندا 25 شىلدەدە ءورت شىققان بولاتىن. تۇتانعان ءورت شامامەن 22:39-دا اۋىزدىقتالدى.
ۇقساس جاڭالىقتار
