14 شىلدەدە فرانتسياداعى ەليسەي الاڭىندا وتكەن ءداستۇرلى اسكەري پاراد بارىسىندا كۇتپەگەن وقيعا بولدى. موتورلى اسكەر بولىمشەلەرىنەن كەيىن ساپ تۇزەۋ ءۇشىن شىققان رەسپۋبليكالىق گۆارديانىڭ كاۆالەريالىق پولكى ەكى بىردەي جىلقىنى باقىلاۋدا ۇستاي الماي قالدى، دەپ حابارلايدى «ادىرنا» ءتىلشىسى.
BFMTV تەلەارناسىنىڭ تىكەلەي ەفيرىندە كورسەتىلگەندەي، جىلقىلاردىڭ ءبىرى ساپتان شىعىپ كەتىپ، شەرۋ ءتارتىبىن بۇزعان. ال ەكىنشى جىلقى ءسۇرىنىپ كەتىپ، ۇستىندەگى شاباندوزىمەن بىرگە پرەزيدەنتتىك تريبۋنانىڭ ءدال الدىندا قۇلاپ تۇسكەن. وقىس وقيعا فرانتسيا پرەزيدەنتى ەممانۋەل ماكرون وتىرعان تريبۋنانىڭ ءدال الدىندا بولعان.
فرانتسيالىق جۋرناليستەردىڭ حابارلاۋىنشا، كاۆالەريا مۇشەلەرىنىڭ ەشقايسىسى جاراقات الماعان.
ايتا كەتەيىك، بۇگىن باستيليانى الۋ كۇنىنە وراي فرانتسيادا ءداستۇرلى اسكەري پاراد ءوتتى. وعان شامامەن 7 مىڭ سارباز بەن وفيتسەر، 65 ۇشاق، 34 تىكۇشاق جانە 247 اسكەري تەحنيكا بىرلىگى قاتىستى.
