قازاقستاندىق رەجيسسەر ارداق امىرقۇلوۆتىڭ 1991 جىلى تۇسىرگەن «وتىراردىڭ كۇيرەۋى» اتتى تاريحي ءفيلمى نيۋ-يوركتەگى «لينكولن ورتالىعى» جانىنداعى كينوورتالىقتا كورسەتىلەدى، دەپ حابارلايدى «ادىرنا» ءتىلشىسى.
ورتالىقتىڭ Instagram-داعى پاراقشاسىندا كورسەتىلىمنىڭ 1 تامىزدا باستالاتىنى ايتىلعان.
كورسەتىلىمگە ارنايى دايىندالعان بۇل تۋىندى حالىقارالىق Janus Films ديستريبيۋتورى مەن The Film Foundation قورىنىڭ قولداۋىمەن 4K ساپاسىندا قالپىنا كەلتىرىلگەن.
ايتا كەتەيىك، وتىراردىڭ كۇيرەۋى — "قازاقفيلم" كينوستۋدياسىندا تۇسىرىلگەن درامالىق فيلم. تۋىندىدا شىڭعىس حاننىڭ وتىراردى جوسپارلى تۇردە جويۋعا دەيىنگى ساياسي استىرتىن ارەكەتتەرى باياندالادى.
بۇل فيلم 1991 جىلى شەت تىلىندەگى ەڭ ۇزدىك فيلم رەتىندە «وسكار» سىيلىعىنا قازاقستان اتىنان ۇسىنىلعان بولاتىن. 2000-جىلداردىڭ باسىندا تۋىندىنىڭ اقش-تا تانىلۋىنا ايگىلى امەريكالىق رەجيسسەر مارتين سكورسەزە ەرەكشە ۇلەس قوسىپ، ونىڭ كورەرمەنگە جول تارتۋىنا ىقپال ەتكەن.
