انتيكوردىڭ نەگە تاراتىلعانى ءتۇسىندىرىلدى، دەپ حابارلايدى "ادىرنا" ۇلتتىق پورتالى.
ۇقك-ءنىڭ ءباسپاسوز قىزمەتىنىڭ مالىمەتىنشە، جاڭادان قۇرىلعان قۇرىلىم «ۇقك سىبايلاس جەمقورلىققا قارسى قىزمەتى» دەپ اتالادى. قازىرگى ۋاقىتتا بىرقاتار ۇيىمداستىرۋشىلىق، باسقارۋشىلىق جانە پراكتيكالىق ءىس-شارالار جۇرگىزىلىپ جاتىر.
«بۇل شەشىم سىبايلاس جەمقورلىققا قارسى كۇرەستى ءتيىمدى ۇيلەستىرىپ، كۇشەيتۋ ماقساتىندا قابىلداندى. اگەنتتىكتىڭ كەيبىر فۋنكتسيالارى مەملەكەتتىك قىزمەت ىستەرى اگەنتتىگىنە بەرىلەدى»، – دەلىنگەن ۇقك حابارلاماسىندا.
قازىرگى كەزەڭدە سىبايلاس جەمقورلىققا قارسى اگەنتتىك ءوز جۇمىسىن بۇرىنعى تارتىپتە جالعاستىرا بەرەدى. بارلىق قۇقىقتار مەن مىندەتتەر جاڭا قۇرىلىمعا تولىق بەرىلگەننەن كەيىن عانا اگەنتتىك قىزمەتى تولىعىمەن توقتاتىلادى.
ايتا كەتەيىك، مەملەكەت باسشىسى بۇرىنعى توراعا اسحات جۇماعاليعا اتقارعان ەڭبەگى ءۇشىن العىس ءبىلدىردى. ول اگەنتتىكتى 2023 جىلدىڭ ءساۋىر ايىنان باستاپ باسقارعان ەدى.
كەيىننەن سىبايلاس جەمقورلىققا قارسى اگەنتتىگى پرەزيدەنت جارلىعىمەن تاراتىلدى.
