شىمكەنت قالاسىنىڭ «وڭتۇستىك» يندۋستريالدى اي̆ماعىندا “ەكو شينا” جشس پاي̆دالانىلعان اۆتوكولىك شينالارىن قاي̆تا وڭدەۋ ءوندىرىسىن دامىتۋدا. جوبانىڭ نەگىزگى ماقساتى - قالانىڭ ەكولوگيالىق جاعداي̆ىن جاقسارتۋ، ەسكى شينالاردىڭ رۇقساتسىز توگىلۋى ماسەلەسىن شەشۋ، زياندى شىعارىندىلارى جوق، قالدىقسىز تەحنولوگيالاردى ەنگىزۋ ارقىلى ەكولوگيالىق قاۋىپسىزدىكتى ارتتىرۋ، شينالاردى قاي̆تا وڭدەۋ قۋاتتىلىعىن جىلىنا 6 مىڭ توننادان 10 مىڭ تونناعا دەي̆ىن جەتكىزۋ.
قازىرگى ۋاقىتتا جەكە ينۆەستورلار ءوندىرىس كولەمىن ارتتىرىپ، جاڭا باعىتتاردى ىسكە قوسىپ جاتىر. تۇرمىستىق قاتتى قالدىقتاردى وڭدەۋ جونىندەگى تاپسىرمانى ىسكە اسىرۋ اياسىندا «جاسىل دامۋ» اق تاراپىنان جاڭا وندىرىسكە قارجىلاي̆ قولداۋ كورسەتىلدى. قارجىلاندىرۋ قاي̆تارىمدى نەگىزدە، جىلدىق سىي̆اقى مولشەرلەمەسى 3%-دان اسپاي̆تىن جانە 3 جىلدان 15 جىلعا دەي̆ىنگى مەرزىمگە بەرىلەدى.
كاسىپورىننىڭ جاڭا باعىتىنا اق تاراپىنان 500 ملن تەڭگە قارجى ءبولىنىپ وتىر. جوبانىڭ جالپى قۇنى – 629,377 ملن تەڭگە. بۇگىنگى تاڭدا كاسىپورىن قاجەتتى جابدىقتاردى ساتىپ الىپ، ولاردى ىسكە قوسۋ جۇمىستارىن جۇرگىزۋدە.
جشس قۇرىلتاي̆شىسى باۋىرجان اي̆كەنجەەۆ پەن «جاسىل دامۋ» اق ينۆەستيتسيالىق جوبالار دەپارتامەنتىنىڭ ديرەكتورى سەرىكبول قالياكباروۆ ءوندىرىستىڭ جاڭا باعىتىنىڭ ىسكە قوسىلۋىنا قاتىسىپ، تەحنيكالىق اشىلۋىن وتكىزدى.
-بەرىلگەن قارجىعا ساي̆كەس، زاماناۋي قوندىرعىلار الدىق. جاڭا باعىتتاردى قوسىپ جاتىرمىز. قازىرگى باستى ماقسات - جىلدان جىلعا ءوندىرىستى كەڭەي̆تۋ. كاسىپورىندا 1 ساعاتتا 4 توننا قالدىق وڭدەلۋدە. 50 ادام جۇمىسپەن قامتىلعان، - دەي̆دى جشس قۇرىلتاي̆شىسى باۋىرجان اي̆كەنجەەۆ،
كاسىپورىندا قۇرىلىس، اباتتاندىرۋ جانە باسقا سالالاردا قولدانىلاتىن رەزەڭكە ۇگىندىسى وندىرىلۋدە. وسىلاي̆شا، جوبا ەكولوگيالىق، ەكونوميكالىق جانە الەۋمەتتىك ماڭىزدىلىقتى ۇشتاستىرادى — جاڭا جۇمىس ورىندارىن اشىپ، قورشاعان ورتاعا تۇسەتىن جۇكتەمەنى ازاي̆تادى جانە «جاسىل ەكونوميكانىڭ» دامۋىنا ەلەۋلى ۇلەس قوسادى.
«ەكو شينا» جشس جوباسى — مەملەكەت پەن بيزنەستىڭ ءتيىمدى ارىپتەستىگىنىڭ ءساتتى ۇلگىسى. جوبانىڭ جۇزەگە اسىرىلۋى ءوڭىردىڭ ەكولوگيالىق جاعداي̆ىن ەداۋىر جاقسارتۋعا، پاي̆دالانىلعان شينالاردى ءتيىمدى قاي̆تا وڭدەۋدى قامتاماسىز ەتۋگە جانە بۇكىل ەل بوي̆ىنشا بولاشاقتاعى «جاسىل» وندىرىستەردىڭ نەگىزىن قالاۋعا مۇمكىندىك بەرەدى.
