Şymkent qalasynyŋ «Oŋtüstık» industrialdy aĭmaǧynda “Eko Şina” JŞS paĭdalanylǧan avtokölık şinalaryn qaĭta öŋdeu öndırısın damytuda. Jobanyŋ negızgı maqsaty - qalanyŋ ekologiialyq jaǧdaĭyn jaqsartu, eskı şinalardyŋ rūqsatsyz tögıluı mäselesın şeşu, ziiandy şyǧaryndylary joq, qaldyqsyz tehnologiialardy engızu arqyly ekologiialyq qauıpsızdıktı arttyru, şinalardy qaĭta öŋdeu quattylyǧyn jylyna 6 myŋ tonnadan 10 myŋ tonnaǧa deĭın jetkızu.
Qazırgı uaqytta jeke investorlar öndırıs kölemın arttyryp, jaŋa baǧyttardy ıske qosyp jatyr. Tūrmystyq qatty qaldyqtardy öŋdeu jönındegı tapsyrmany ıske asyru aiasynda «Jasyl damu» AQ tarapynan jaŋa öndırıske qarjylaĭ qoldau körsetıldı. Qarjylandyru qaĭtarymdy negızde, jyldyq syĭaqy mölşerlemesı 3%-dan aspaĭtyn jäne 3 jyldan 15 jylǧa deĭıngı merzımge berıledı.
Käsıporynnyŋ jaŋa baǧytyna AQ tarapynan 500 mln teŋge qarjy bölınıp otyr. Jobanyŋ jalpy qūny – 629,377 mln teŋge. Bügıngı taŋda käsıporyn qajettı jabdyqtardy satyp alyp, olardy ıske qosu jūmystaryn jürgızude.
JŞS qūryltaĭşysy Bauyrjan Aĭkenjeev pen «Jasyl damu» AQ investisiialyq jobalar departamentınıŋ direktory Serıkbol Qaliakbarov öndırıstıŋ jaŋa baǧytynyŋ ıske qosyluyna qatysyp, tehnikalyq aşyluyn ötkızdı.
-Berılgen qarjyǧa säĭkes, zamanaui qondyrǧylar aldyq. Jaŋa baǧyttardy qosyp jatyrmyz. Qazırgı basty maqsat - jyldan jylǧa öndırıstı keŋeĭtu. Käsıporynda 1 saǧatta 4 tonna qaldyq öŋdelude. 50 adam jūmyspen qamtylǧan, - deĭdı JŞS qūryltaĭşysy Bauyrjan Aĭkenjeev,
Käsıporynda qūrylys, abattandyru jäne basqa salalarda qoldanylatyn rezeŋke ügındısı öndırılude. Osylaĭşa, joba ekologiialyq, ekonomikalyq jäne äleumettık maŋyzdylyqty ūştastyrady — jaŋa jūmys oryndaryn aşyp, qorşaǧan ortaǧa tüsetın jüktemenı azaĭtady jäne «jasyl ekonomikanyŋ» damuyna eleulı üles qosady.
«EKO Şina» JŞS jobasy — memleket pen biznestıŋ tiımdı ärıptestıgınıŋ sättı ülgısı. Jobanyŋ jüzege asyryluy öŋırdıŋ ekologiialyq jaǧdaĭyn edäuır jaqsartuǧa, paĭdalanylǧan şinalardy tiımdı qaĭta öŋdeudı qamtamasyz etuge jäne bükıl el boĭynşa bolaşaqtaǧy «jasyl» öndırısterdıŋ negızın qalauǧa mümkındık beredı.
