يراندا يزرايل شابۋىلدارىنان قازا تاپقاندار سانى 627 ادامعا جەتتى. بۇل تۋرالى ەلدىڭ دەنساۋلىق ساقتاۋ مينيسترلىگى ايتتى، دەپ حابارلايدى «ادىرنا» ءتىلشىسى.
ودان بولەك، 4870 ادام جاراقات العان. ەڭ كوپ ادام شىعىنى تەگەران مەن كەرمانشاح قالالارىندا تىركەلگەن.
رەسمي دەرەكتەرگە سۇيەنسەك، قازا تاپقانداردىڭ تەك 13,9 پايىزى عانا اۋرۋحانادا كوز جۇمعان. ال قالعاندارى وقيعا ورىندارىندا قازا بولعان.
مينيسترلىكتىڭ رەسمي وكىلى حوسەين كەرمانپۋردىڭ ايتۋىنشا، بۇل – سوڭعى جىلدارداعى ەڭ ءىرى ادام شىعىنىنا الىپ كەلگەن اسكەري سوققىنىڭ ءبىرى.
24 ماۋسىمدا يزرايل شابۋىل سالدارىنىڭ 28 يزرايلدىك قازا تاۋىپ، 1472 ادام جارالانعانىن مالىمدەگەن ەدى.
ەسكە سالايىق، 13 ماۋسىمعا قاراعان ءتۇنى يزرايل يرانعا اۋەدەن شابۋىل جاساعان بولاتىن.
ۇقساس جاڭالىقتار
