موڭعوليا سىرتقى ىستەر ءمينيسترى باتمۋنحين باتتسەتسەگتىڭ شاقىرۋىمەن قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى 2025 جىلعى 26-27 ماۋسىم ارالىعىندا موڭعولياعا رەسمي ساپارمەن بارادى، دەپ حابارلايدى "ادىرنا".
ساپار بارىسىندا موڭعوليا مەن قازاقستاننىڭ سىرتقى ىستەر مينيسترلەرى رەسمي كەلىسسوزدەر جۇرگىزىپ، موڭعوليا مەن قازاقستان اراسىنداعى "ستراتەگيالىق ارىپتەستىكتى" كەڭەيتۋ، سونداي-اق وڭىرلىك جانە حالىقارالىق دەڭگەيدەگى ىنتىماقتاستىق ماسەلەلەرى بويىنشا پىكىر الماسادى.
بۇل – پرەمەر-ءمينيستردىڭ ورىنباسارى دەڭگەيىندەگى العاشقى جانە قازاقستان رەسپۋبليكاسىنىڭ سىرتقى ىستەر ءمينيسترى دەڭگەيىندەگى سوڭعى 19 جىل ىشىندەگى العاشقى رەسمي ساپار بولماق.
موڭعوليا مەن قازاقستان ديپلوماتيالىق قاتىناستاردى 1992 جىلعى 11 قاڭتاردا ورناتقان.
