تۇڭعىش پرەزيدەنت – ەلباسىنىڭ تەستىلەرىن وتكىزۋ قاعيدالارىنا وزگەرىستەر ەنگىزىلدى، دەپ حابارلايدى «ادىرنا» ءتىلشىسى.
ەندى پرەزيدەنتتىك تەست ەرەجەلەرىندە «ەلباسى» ءسوزى بولمايدى. وزگەرىستەر 12 ماۋسىمداعى تۋريزم جانە سپورت ءمينيسترىنىڭ مىندەتىن اتقارۋشىنىڭ بۇيرىعىمەن بەكىتىلگەن.
«قۇجاتتىڭ تاقىرىبى مىناداي رەداكتسيادا جازىلسىن: «قازاقستان رەسپۋبليكاسى حالقىنىڭ فيزيكالىق دايىندىعىنا پرەزيدەنتتىك تەستىلەۋدى وتكىزۋ قاعيدالارىن بەكىتۋ تۋرالى»،—دەلىنگەن حابارلامادا.
بۇعان دەيىن قۇجات «قازاقستان رەسپۋبليكاسىنىڭ تۇڭعىش پرەزيدەنتى – ەلباسى تەستىلەرىن وتكىزۋ قاعيدالارىن بەكىتۋ تۋرالى» دەپ جازىلعان ەدى.
ايتا كەتەيىك، بۇيرىق 16 ماۋسىمدا كۇشىنە ەندى.
2023 جىلى «تۇڭعىش پرەزيدەنت – ەلباسى تۋرالى» زاڭ كۇشىن جويعان بولاتىن.
ۇقساس جاڭالىقتار
