قازاقتىڭ اتىن الەمگە پاش ەتىپ جۇرگەن جاس ءانشى ديماش قۇدايبەرگەن جاستاردى دامىتۋ، ستۋدەنتتىك كەزەڭنىڭ شىعارماشىلىق تۇستارى تۋرالى ءوز يدەياسىمەن ءبولىستى، دەپ حابارلايدى “ادىرنا” ۇلتتىق پورتالى.
بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ءوز تەلەگرام پاراقشاسىندا جاريالادى.
«سونىمەن قاتار شىعارماشىلىق يندۋستريا جانە مادەنيەت سالاسىنداعى مەنەدجمەنت سالاسىنا قاجەتتى كادرلار دايارلاۋ ماسەلەلەرى دە تالقىلاندى.
ديماش قۇدايبەرگەنوۆتىڭ ۇسىنعان يدەيالارىن ءبىز عىلىم جانە جوعارى ءبىلىم مينيسترلىگىنىڭ جۇمىسى بارىسىندا مىندەتتى تۇردە ەسكەرەتىن بولامىز.
الداعى ۋاقىتتا دا بايلانىسىمىزدى ۇزبەي، ۇنەمى پىكىر الماسىپ تۇراتىن بولىپ كەلىستىك.
ديماش ءوز مۇمكىندىكتەرى مەن كۇش-جىگەرىن عىلىم مەن ءبىلىمدى ناسيحاتتاۋعا سالۋعا دايىن ەكەندىگى ءبىز ءۇشىن وتە قۋانىشتى» دەپ جازىلعان ءمينيستردىڭ جازباسىندا.
”ادىرنا” ۇلتتىق پورتالى
