نازارباەۆ قازاقستانعا ۇلكەن ەڭبەك ءسىڭىردى - دينارا ءساتجان

1018

دينارا ءساتجان ەكس-پرەزيدەنت نۇرسۇلتان نازارباەۆتان سۇحبات الۋدى ارماندايتىنىن ايتتى. قازاقستاندى قۇرعان تۇلعا ەكەنىن دانا ورمانباەۆاعا بەرگەن سۇحباتىندا تىلگە تيەك ەتتى، دەپ حابارلايدى “ادىرنا” ۇلتتىق پورتالى. 

"نازارباەۆ - حاريزمالى ساياساتكەر. ول قازاقستان ءۇشىن ۇلكەن ەڭبەك ءسىڭىردى. ەڭ بىرىنشىدەن، مەن ول كىسىگە استانا ءۇشىن العىس بىلدىرەر ەدىم. ويتكەنى مەن مانسابىمدى وسى قالادا قۇردىم. بۇل قالا راسىمەن دە ونىڭ "بالاسى" ىسپەتتى", - دەيدى ءساتجان.

"مەن جانە راحىم وشاقباەۆ ەكەۋمىز عانا قولدادىق. سول كەزدە: "ەگەر قالا تۇرعىزسام، مەن دە وعان ءوز اتىمدى بەرەر ەدىم", دەپ قالجىڭداپ ايتتىم.

ءالى كۇنگە دەيىن ول كىسىدەن سۇحبات الۋدى ارماندايمىن. ويتكەنى ول قازاقستاندى قۇرعان ادام. ول كىسىگە، ونىڭ وتباسىنا سۇراق كوپ", - دەيدى ول.

"قاڭتار وقيعالارىنان كەيىن بولىپ جاتقان وقيعالارعا قاراساق، وزگەرىس كوپ. ءبىز 30 جىل ىشىندە پرەزيدەنتتىڭ قىزى پارلامەنت مۇشەسى، Forbes-ءتىڭ العاشقى بەستىگىندە تەك سول اۋلەتتىڭ ادامدارى ەكەنىنە ۇيرەنىپ قالعانبىز. ول ءبىز ءۇشىن قالىپتى بولىپ قالعان. ال ەندى اكتيۆتەردىڭ قايتارىلىپ جاتقانىن، جاڭا پرەزيدەنتىمىزدىڭ "جاڭا قازاقستان" ءۇشىن كۇرەسىپ جاتقانىن كورىپ وتىرمىز. ەندى پرەزيدەنتتىڭ تۋىستارى جوعارى قىزمەتكە وتىرا المايدى. ول ماعان شابىت سىيلادى.

ەلوردادا راسىمەن دە تالانتتى، تالاپتى ادامداردىڭ بار ەكەنىن كورەمىن. بىراق ولار لايىقتى قىزمەتكە وتىرا المايتىن. ويتكەنى سەناتوردىڭ ۇلى ەر جەتىپ، اكەسى ونى جۇيەگە كىرگىزىپ ۇلگەرگەن. ونداي حيكايالار وتە كوپ. قازىر ول جۇيە بۇزىلۋدا. ەگەر سەن تالانتتى، ءبىلىمدى بولساڭ، "جاڭا قازاقستاندا" وسۋىڭە مۇمكىندىك بار دەپ ويلايمىن", - دەيدى دينارا ءساتجان.

“ادىرنا” ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket