Dınara Sátjan eks-prezıdent Nursultan Nazarbaevtan suhbat alýdy armandaıtynyn aıtty. Qazaqstandy qurǵan tulǵa ekenin Dana Ormanbaevaǵa bergen suhbatynda tilge tıek etti, dep habarlaıdy “Adyrna” ulttyq portaly.
"Nazarbaev - harızmaly saıasatker. Ol Qazaqstan úshin úlken eńbek sińirdi. Eń birinshiden, men ol kisige Astana úshin alǵys bildirer edim. Óıtkeni men mansabymdy osy qalada qurdym. Bul qala rasymen de onyń "balasy" ispetti", - deıdi Sátjan.
"Men jáne Rahym Oshaqbaev ekeýmiz ǵana qoldadyq. Sol kezde: "Eger qala turǵyzsam, men de oǵan óz atymdy berer edim", dep qaljyńdap aıttym.
Áli kúnge deıin ol kisiden suhbat alýdy armandaımyn. Óıtkeni ol Qazaqstandy qurǵan adam. Ol kisige, onyń otbasyna suraq kóp", - deıdi ol.
"Qańtar oqıǵalarynan keıin bolyp jatqan oqıǵalarǵa qarasaq, ózgeris kóp. Biz 30 jyl ishinde prezıdenttiń qyzy parlament múshesi, Forbes-tiń alǵashqy bestiginde tek sol áýlettiń adamdary ekenine úırenip qalǵanbyz. Ol biz úshin qalypty bolyp qalǵan. Al endi aktıvterdiń qaıtarylyp jatqanyn, jańa prezıdentimizdiń "Jańa Qazaqstan" úshin kúresip jatqanyn kórip otyrmyz. Endi prezıdenttiń týystary joǵary qyzmetke otyra almaıdy. Ol maǵan shabyt syılady.
Elordada rasymen de talantty, talapty adamdardyń bar ekenin kóremin. Biraq olar laıyqty qyzmetke otyra almaıtyn. Óıtkeni senatordyń uly er jetip, ákesi ony júıege kirgizip úlgergen. Ondaı hıkaıalar óte kóp. Qazir ol júıe buzylýda. Eger sen talantty, bilimdi bolsań, "Jańa Qazaqstanda" ósýińe múmkindik bar dep oılaımyn", - deıdi Dınara Sátjan.
“Adyrna” ulttyq portaly
