وبلىس ورتالىعىنان «ونەر سارايى» مەن «نەكە سارايى» بوي كوتەردى

2119
Adyrna.kz Telegram

قىزىلوردا وبلىسىندا جىل سايىن ەكونوميكالىق جانە دەموگرافيالىق ءوسىم قارقىندى دامىپ، ەڭبەككە بەلسەندى حالىق سانى ارتىپ كەلەدى. بۇل ءوز كەزەگىندە قوعامدىق، الەۋمەتتىك جانە مادەني-كوپشىلىك شارالاردا بەلسەندىلىك تانىتاتىن ورتانىڭ دا ۇلعايۋىنا وڭ ىقپالى زور.

بۇگىندە وبلىس ورتالىعىندا سىيىمدىلىعى جاعىنان ەڭ ۇلكەن 600 ورىندىق ن. بەكەجانوۆ اتىنداعى قازاق-مۋزىكالىق اكادەميالىق دراما تەاترى ايماق حالقىنا قىزمەت ەتىپ كەلەدى. دەگەنمەن ايماق حالقى سانىنى ءوسىمىنىڭ وڭ ديناميكاسىنا بايلانىستى وڭىردەگى مادەنيەت ۇيلەرى مەن ونەر وردالارىنداعى ۇلكەن سىيىمدىلىقتاعى كورەرمەندەرگە ارنالعان ورىن جەتكىلىكسىزدىگىنىڭ تۋىنداعانىنا ءبىرشاما ۋاقىت بولدى. وسى جاعدايدى ەسكەرە كەلە، ايماق باسشىسى ن.نالىباەۆ وبلىس ورتالىعىنان زاماناۋي ۇلگىدەگى بىرنەشە الەۋمەتتىك عيمارات سالۋ تۋرالى باستاما كوتەرگەنبولاتىن. سونىڭ ءبىرى – «ونەر سارايى».

ايماق باسشىسىنىڭ تاپسىرماسى نەگىزىندە سۇلتان بەيبارىس كوشەسىنىڭ بويىنان سالىناتىن عيماراتقا 2,0 گەكتار جەر كولەمى بەلگىلەنگەن. حالىق يگىلىگىنە پايدالانۋعا بەرىلەتىن نىسان 1000 ورىندىق كوپفۋنكتسيونالدى كەشەن رەتىندە اشىلادى. ياعني، وندا مادەنيەت سالاسىنىڭ سيمفونيالىق، ەسترادالىق جانە ۇلتتىق ونەر باعىتىنداعى كونتسەرتتىك باعدارلامالار مەن ءتۇرلى فورماتتاعى قوعامدىق ءىس-شارالار دا وتكىزىلەدى.

سونداي-اق، قالامىزدا نەكە قيۋدى جوسپارلاعان جاندار ەسكى عيماراتتا ورنالاسقان ازاماتتىق حال اكتىلەرىن تىركەۋ مەكەمەسىنە جۇگىنەتىن. جاس جۇبايلار ءۇشىن ەڭ ماڭىزدى جانە تاريحي سالتاناتتى ءراسىم ۇيىمداستىراتىن كابينەتىمەن جابدىقتالماعان عيماراتقا قاتىستى تۇرعىندار مەن جاڭا ومىرگە بىرگە قادام باسۋعا كەلگەن جاستار تاراپىنان دا ۇسىنىستار ءجيى ايتىلىپ كەلدى. وسىنى ەسكەرگەن ايماق باسشىسى «نەكە سارايى» سالتاناتتى عيماراتىن سالۋ تۋرالى تاپسىرما بەردى.

اتالمىش الەۋمەتتىك نىساننىڭ بوي كوتەرۋى ايماقتىڭ قۇرىلىس-يندۋستريالىق ساۋلەتىن ارتتىرۋمەن قاتار وتباسىلىق-دەموگرافيالىق  ساياساتتى جۇزەگە اسىرۋعا ۇلەس قوسۋعا تالاپتانعان جاستاردىڭ ومىرىندەگى ەڭ ماڭىزدى ساتتەرىن اسەرلى ەتۋگە زور مۇمكىندىك سىيلايدى. ايتا كەتەيىك، زاماناۋي ۇلگىدە سالىناتان عيماراتتىڭ جالپى اۋدانى 2100 شارشى مەتردى قۇرايدى.

بۇگىندە قۇرىلىس جۇمىستارىن جۇرگىزۋشى مەردىگەردى انىقتاۋعا مەملەكەتتىك ساتىپ الۋ كونكۋرسى جاريالانعان. الەۋمەتتىك نىسان پايدالانۋعا بەرىلگەن سوڭ مۇندا وبلىس تۇرعىندارىنا احات قىزمەتىمەن قاتار وتباسى قۇندىلىقتارىن دارىپتەيتىن الەۋمەتتىك-مادەني ءىس-شارالار دا جۇرگىزىلەدى دەپ كۇتىلۋدە.

ايتا كەتۋ كەرەك، بۇل نىسانداردىڭ جوبالىق-سمەتالىق قۇجاتتاماسى دەمەۋشىلەر ەسەبىنەن ازىرلەنۋدە.

پىكىرلەر