"دوروجنىي كونترول" پورتالىنىڭ ءجۋرناليسى ولەسيا ۆەرتينسكاياعا ءوز ءۇيىنىڭ جانىندا شابۋىل جاسالدى. شابۋىلداعان ادام ايەلدىڭ مۇرنىن سىندىرعان، دەپ حابارلايدى "ادىرنا" ۇلتتىق پورتالى.
19 شىلدەدە ۇيدەن شىعا بەرىستە تىلشىگە بەيتانىس ەر ادام جاقىنداعان. ول كومەك سۇراپ، سودان كەيىن ءجۋرناليستىڭ بەتىنەن ۇرعان، سودان كەيىن ول قۇلاعان، ال الگى ەر ادام ونى تەپكىلەي بەرگەن. ولەسيانى ءوتىپ بارا جاتقان ادام قۇتقارىپ قالدى. اۋرۋحانادا وعان مۇرنى سىنعان دەگەن دياگنوز قويىلدى.
ولەسيا قازىردىڭ وزىندە شابۋىل فاكتىسى بويىنشا پوليتسياعا شاعىم ءتۇسىرىپ ۇلگەردى، وعان ءسوز بوستاندىعىن قورعاۋ حالىقارالىق «ءادىل ءسوز» قورى زاڭگەرلىك كومەك كورسەتەدى.
ءبىر قىزىعى، 16 شىلدەدە بولعان شابۋىلدىڭ الدىندا ايەلگە قوقان-لوققى جاسالىپ، ول ءتىپتى بۇل تۋرالى ارىزبەن پروكۋراتۋراعا جۇگىنگەن. وعان بەلگىسىز نومىردەن حابارلامالار كەلىپ تۇسكەن، وندا جۋرناليستكە اتى اتالماعان جشس يەسىنە اباي بولۋ كەرەكتىگى ايتىلعان.
13 شىلدەدە ۆەرتينسكاياعا قاتىستى قۇقىق قورعاۋ ورگانى قىزمەتكەرىنىڭ زاڭدى بۇيرىعىنا باعىنباعانى ءۇشىن سوتقا دەيىنگى تەرگەۋ باستالدى. پروكۋراتۋراعا تۇسكەن ارىزدان كەيىن ءىس جابىلدى.
"ادىرنا" ۇلتتىق پورتالى
