بۇل تۋرالى Stan.kz حابارلايدى. قازاقستان رەسەيدەن قۇس ەتى مەن جۇمىرتقا اكەلىنۋىنە تىيىم سالدى 09:29, 26 شىلدە 2018 3 قازاقستان رەسەيدەن قۇس ەتى، جۇمىرتقا، قاۋىرسىن اكەلىنۋىنە ۋاقىتشا تىيىم سالدى. وعان رەسەيدىڭ ورلوۆ، روستوۆ، نيجەگورود وبلىستارىنداعى تاراعان قۇس تۇماۋى سەبەپ بولعان. «ۆەتەرينارلىق باقىلاۋ كوميتەتى مەن قازاقستاننىڭ اۋىل شارۋاشىلىق مينيسترلىگى قر اۋماعىنا ءتىرى قۇس پەن ينكۋباتسيالىق جۇمىرتقا، جىلۋ وڭدەۋىنەن وتپەگەن (تسەلسي بويىنشا كەمىندە 70 گرادۋس) قاۋىرسىن، قۇس ەتى مەن قۇس شارۋاشىلىعىنىڭ ونىمدەرى، قۇستارعا ارنالعان ازىقتىق قوسپالار، تاكسيدەرميالىق وڭدەۋدەن وتپەگەن اڭشىلىق ولجالاردىڭ اكەلىنۋىنە ۋاقىتشا شەكتەۋ قويدى. سونىمەن قاتار رەسەيدىڭ جوعارىدا اتالعان وبلىستارىنان قۇس اسىراۋعا، سويۋعا جانە مۇشەلەۋگە ارنالعان قۇرالداردىڭ بۇرىن قولدانىستا بولعان تۇرلەرىنىڭ اكەلىنۋى دە ۋاقىتشا شەكتەلەدى»، – دەلىنەدى رەسەيلىك اۋىل شارۋاشىلىق باقىلاۋىنىڭ حابارلاماسىندا.
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз