ورالدا جانتۇرشىگەرلىك جول-كولىك اپاتىنان 8 ادام قازا تاپتى

3558
Adyrna.kz Telegram

ورالدا جانتۇرشىگەرلىك جول-كولىك اپاتى بولىپ، سالدارىنان 8 ادام قازا تاپتى، دەپ حابارلايدى «ادىرنا» ءتىلشىسى «موي گورود» باسىلىمىنا سىلتەمە جاساپ.

قايعىلى وقيعا 18 شىلدە كۇنى ساعات 2:45-تە VenOil جانارماي بەكەتىنە قاراما-قارسى اينالما جولدا بولعان.

قالالىق پوليتسيا دەپارتامەنتىنىڭ مالىمدەۋىنشە، Nissan (كولىكتە تەك جۇرگىزۋشى بولعان) جانە Lada (سالوندا بەس ەرەسەك جانە ەكى بالا بولعان) كولىكتەرى سوقتىعىسقان.

«Nissan جۇرگىزۋشىسى الدىنداعى كولىكتى باسىپ وزباق بولىپ قارسى جولاققا شىعىپ كەتىپ، Lada كولىگىمەن تۇيىسكەن»،— دەيدى ۆەدومستو.

پىكىرلەر