ايگۇل ورىنبەك: ۇقك بەكبولاتتى ەلگە الدىرىپ، قىلمىستىق ءىس اشىپ، جاۋاپقا تارتۋى كەرەك!

11533
Adyrna.kz Telegram

ۋاقىتىسىندا ۇلتتىق سپورتتىڭ قارجىسى تالان-تاراجعا كەتىپ جاتىر، شۇعىل تەكسەرۋ كەرەك دەپ، دابىل دا قاقتىم! قامشى ۇستاپ، استىنداعى «اساۋ اتتاردى» باعىندىرىپ جۇرگەن ءبىراز جىگىتتەر ءۇنسىز وتىرعاندا، ەتەك كيگەن مىنا مەن قانشاما شىرىلدادىم!

«سامۇرىق-قازىنا» قور بولعانمەن، ول قورعا قارجى مەملەكەتتىك بيۋدجەتتەن بولىنەدى! ال مەملەكەتتىك قارجى ول — حالىقتىڭ اقشاسى! بەكبولات تىلەۋحان ۇلتتىق سپورتتى قۇلدىراتتى، كەمشىلىكتەر كوپ، پرەزيدەنتتىكتەن الىپ تاستاۋ كەرەكتىگىن ايتىپ، تالاپ ەتكەنىمدە — وسىنداعى ءبىرازى ماعان قارسى شىعىپ، جابىلعان ەدى! قاراپايىم قىزمەتكەرلەر بەس مىڭ تىڭ تەڭگە پارا العانى ءۇشىن — جەمقورسىڭ دەپ جەتى جىلعا قاماپ قويامىز، ال ەلدىڭ قازىناسىن ميللياردتاپ جەگەن «ساۋىسقاندى» — ءجاي عانا شەتەل اسىرىپ، ۇندەمەي وتىرا بەرەمىز بە؟

ادىلەتتى جاڭا قازاقستانىمىز قايدا قالدى؟ زاڭ تەك —جارلى-جاقىباي مەن قاراپايىم حالىققا عانا ەمەس، شەندى مەن شەكپەندى، باي-باعلانعا دا، جالپى جۇرتشىلىققا بىردەي تەڭ دارەجەدە قولدانىلۋى قاجەت! ەل كورىپ وتىر! قازىر وسىلاي زاڭسىزدىقتارعا كوز جۇمىپ، كورمەگەن كەيىپ تانىتساق — ەرتەڭ حالىق ادىلدىك ىزدەپ كۇيىنىپ، اشىق كۇرەسكە شىعادى! سوندىقتان ءادىل قادام — ەلدىڭ ىنتىماعى مەن سەنىمىن نىعايتىپ، زاڭعا باعىنۋىنا ىقپال ەتەدى!

ەكس-جاتتىقتىرۋشى رامازان مىرزانىڭ ايتىپ وتىرعاندارى راس بولسا، ۇلتتىق قاۋىپسىزدىك كوميتەتى شۇعىل تۇردە بەكبولاتتى ەلگە الدىرىپ، قىلمىستىق ءىس اشىپ، جاۋاپقا تارتۋى كەرەك! قايرات ساتىبالدىمەن تىكەلەي بايلانىسى بار ادام جازاسىز قالماۋ كەرەك!

"ادىرنا" ۇلتتىق پورتالى 

پىكىرلەر