الماتى وبلىسىندا جالپى سوماسى 487 ملن تەڭگەگە 108 كاسىپكەر جەڭىلدەتىلگەن نەسيە الىپ، ناتيجەسىندە 200-دەن استام جۇمىس ورنى اشىلدى. قازىرگى ۋاقىتتا تاعى 123 ءوتىنىم قابىلدانعان.
بەرىلگەن نەسيەنىڭ كوپ بولىگى اۋىل شارۋاشىلىعى سالاسىنداعى 88 جوباعا بولىنگەن. بۇل سالاعا بەرىلگەن نەسيە كولەمى 388,7 ملن تەڭگەنى قۇرايدى. سونداي-اق ءوندىرىس، قوعامدىق تاماقتانۋ جانە ءتۇرلى قىزمەتتەر سالاسى ۇشىندە قارجىلاۋ قولداۋ كورسەتىلگەن.
اعىمداعى جىلى الماتى وبلىسىنىڭ كاسىپكەرلەر پالاتاسى وڭىرلىك دامۋ ينستيتۋتىمەن بىرلەسىپ «باستاۋ بيزنەس «جوباسىنىڭ تۇلەكتەرىن جەڭىلدەتىلگەن نەسيەمەن قامتاماسىز ەتۋ ءۇشىن» Atameken Zhetysu «ميكروقارجى ۇيىمىن قۇردى. جالپى، وبلىس بويىنشا ميكروقارجى ۇيىمى ارقىلى 500-گە جۋىق كاسىپكەردى قارجىلاندىرۋ جانە 1000-نان استام جۇمىس ورنىن قۇرۋ جوسپارلانۋدا.
ايتا كەتەيىك، ميكروقارجى ۇيىمى ارقىلى نەسيەلەندىرۋگە «باستاۋ بيزنەس» وقىتۋ جوباسىن اياقتاعان كەز كەلگەن قاتىسۋشى ۇمىتكەر بولا الادى. اۋداندار مەن قالالارداعى كاسىپكەرلەر پالاتاسى فيليالىنداعى كەڭەسشىلەرىمىز كاسىپكەرلەرگە قۇجاتتاردى جيناۋدى باستاعاننان باستاپ جوبا بويىنشا قاراجات العانعا دەيىن جان-جاقتى قولداۋ كورسەتىلەدى. كەيىن بەرىلگەن قارجىنىڭ يگەرىلۋىنە مونيتورينگ جۇرگىزىلەدى. اۋىلدىق جەرلەر ءۇشىن قاراجات سوماسى 7,2 ملن تەڭگەگە دەيىن جانە قالا ءۇشىن 18,9 ملن تەڭگە.
اۋىلدىق جەرلەر ءۇشىن قارجىلاندىرۋ سوماسى 7,2 ملن تەڭگەگە دەيىن جانە قالا ءۇشىن – 18,9 ملن تەڭگە. شاعىن نەسيەنى 5 جىلعا دەيىنگى مەرزىمگە، مال شارۋاشىلىعى سالاسىنداعى 7 جىلعا دەيىنگى جوبالار ءۇشىن راسىمدەۋگە بولادى. باستى ارتىقشىلىعى كەپىلمەن قامتاماسىز ەتۋگە شەكتەۋلەر جوق. سونداي-اق قارىز الۋشىلار جىلدىق 6% پايىزدىق مولشەرلەمەمەن جەڭىلدىكتى شارتتارمەن نەسيە راسىمدەي الادى.
ەگەر كاسىپكەر اۋىلدىق جەردە تۇراتىن بولسا، وندا ول كاسىپكەرلەر پالاتاسىنىڭ فيليالىنا بارىپ، سول جەردە ءوتىنىش قالدىرا الادى. سونىمەن قاتار، پالاتا كەڭەسشىلەرى ءوتىنىمدى راسىمدەۋگە، قۇجاتتار ءتىزىمىن راسىمدەۋگە جانە قارىز الۋشىنىڭ ساۋالناماسىن ميكروقارجى ۇيىمىنىڭ اقپاراتتىق جۇيەسىندە تولتىرۋعا كومەكتەسەدى.
