قۇرمانعازى اۋدانى جالعىزاپان اۋىلىنىڭ ماڭىندا باعالى ەدىلباەۆ تۇقىمىنىڭ تۇتاس ءبىر وتار قويى ءولدى، دەپ حابارلايدى "ادىرنا".
جەرگىلىكتى اكىمدىكتىڭ الدىن الا مالىمەتى بويىنشا، ءورت رەسەي فەدەراتسياسىنىڭ استراحان وبلىسىنىڭ اۋماعىندا بولعان. ۋاقىت وتە كەلە جالىن شەكارا ارقىلى قازاقستان اۋماعىنا تاراي باستادى.
ءورتتىڭ تەز تارالۋىنا قاتتى جەل ىقپال ەتتى. وسى كەزدە وتار قوي جايىلىمنان قايتىپ كەلە جاتتى. تابيعي اپات وشاعىندا مال بولدى.
سالدارىنان 1039 باس باعالى قوي ورتەنىپ كەتكەن. ولاردىڭ بارلىعى جەرگىلىكتى قوي زاۋىتىنا تيەسىلى ەدى.
قۇتقارۋشىلار ءورتتى سۇيىندىك جانە جالعىزاپان اۋىلدارىنىڭ تۇرعىندارى اۋىزدىقتاعانىن حابارلادى.
ورتتەن ادامدار زارداپ شەككەن جوق. سۇيىندىك اۋىلدىق وكرۋگىندە بولعان بۇل سوڭعى ۋاقىتتا ءۇشىنشى دالا ءورتى- دەپ حابارلايدى اتىراۋ وبلىسى توتەنشە جاعدايلار دەپارتامەنتى.
ەدىلباي تۇقىمى وتە قۇندى دەپ باعالانادى. ءبىر قوشقاردىڭ سالماعى 145 كەلىگە، ال قويدىڭ 110 كەلىگە جەتەدى. بۇل ءتورت تۇلىك مالى تەز وسۋمەن جانە ەرتە تۋىلۋمەن ەرەكشەلەنەدى.
