سولتۇستىك قازاقستان وبلىسىنىڭ جامبىل اۋدانىندا ورمانعا جيدەك تەرۋگە بارعان ايەلدى اڭشى اتىپ ءولتىردى، دەپ حابارلايدى “ادىرنا” ۇلتتىق پورتالى Ulysmedia.kz سايتىنا سىلتەمە جاساپ.
وقيعا باۋمان اۋىلىندا بولعان. ايەلدىڭ كەۋدە تۇسىنا وق تيگەن. بۇل تۋرالى مارقۇمنىڭ تۋىسى جەلىدە حابارلادى.
بولجام بويىنشا، كۇدىكتى ورماندا جۇرگەن التىناي مۇزداقباەۆانى اڭ دەپ ويلاپ قالعان. ول وق تيگەن ايەلدى اۋرۋحاناعا ءوزى اپارماق بولعان. الايدا اۋىر جاراقات سالدارىنان جولدا قايتىس بولعان.
"ادامنىڭ قايتىس بولۋى تۋرالى باپپەن تىركەلىپ، سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر. بۇل قىلمىستى جاساعان ادام قىلمىستىق كودەكستىڭ 128-بابى بويىنشا ۇستالىپ، جامبىل اۋداندىق ۋاقىتشا ۇستاۋ يزولياتورىنا قامالدى", - دەدى اۋدان پروكۋرورى تالعات تولەگەنوۆ.
“ادىرنا” ۇلتتىق پورتالى
