Soltústik Qazaqstan oblysynyń Jambyl aýdanynda ormanǵa jıdek terýge barǵan áıeldi ańshy atyp óltirdi, dep habarlaıdy “Adyrna” ulttyq portaly Ulysmedia.kz saıtyna silteme jasap.
Oqıǵa Baýman aýylynda bolǵan. Áıeldiń keýde tusyna oq tıgen. Bul týraly marqumnyń týysy jelide habarlady.
Boljam boıynsha, kúdikti ormanda júrgen Altynaı Muzdaqbaevany ań dep oılap qalǵan. Ol oq tıgen áıeldi aýrýhanaǵa ózi aparmaq bolǵan. Alaıda aýyr jaraqat saldarynan jolda qaıtys bolǵan.
"Adamnyń qaıtys bolýy týraly bappen tirkelip, sotqa deıingi tergep-tekserý amaldary júrgizilip jatyr. Bul qylmysty jasaǵan adam Qylmystyq kodekstiń 128-baby boıynsha ustalyp, Jambyl aýdandyq ýaqytsha ustaý ızolıatoryna qamaldy", - dedi aýdan prokýrory Talǵat Tólegenov.
“Adyrna” ulttyq portaly
