الاياقتىق بابىمەن سوتتالعان قىزىلوردا وبلىسىنىڭ بۇرىنعى اكىمى قۋانىشبەك ىسقاقوۆتىڭ جازاسىن جەڭىلدەتۋ تۋرالى سوت قاۋلى شىعاردى، دەپ حابارلايدى “ادىرنا” ۇلتتىق پورتالى.
بۇل تۋرالى ەكس-شەنەۋنىكتىڭ قورعاۋشىسى ءلاززات احاتوۆا الەۋمەتتىك جەلىدە جازدى.
“قۋانىشبەك ىسقاقوۆتىڭ جازاسىنىڭ قالعان بولىگىن باس بوستاندىعىنان ايىرۋ تۇرىنەن شەكتەۋ تۇرىنە اۋىستىردى. قاۋلى 15 كۇندە كۇشىنە ەنەدى. ياعني، جازاسىنىڭ قالعان بولىگىن ەندى ۇيىندە ءجۇرىپ وتەيدى”،- دەپ جازدى قورعاۋشى.
بىراق قۋانىشبەك ىسقاقوۆ پروباتسيالىق باقىلاۋدا بولادى.
ەسكە سالايىق، قۋانىشبەك ىسقاقوۆ قىزىلوردا وبلىسىن باسقارعان ۋاقىتىندا ارىس قالاسىنا جينالعان قايىرىمدىلىق قورىنان 80 ملن تەڭگەنى قولدى قىلدى دەپ ايىپتالعان. 2020 جىلدىڭ جەلتوقسانىندا قىلمىسى سوت دالەلدەپ، ىسقاقوۆ 7 جىلعا تۇرمەگە قامالعان بولاتىن.
”ادىرنا” ۇلتتىق پورتالى
