Alaıaqtyq babymen sottalǵan Qyzylorda oblysynyń burynǵy ákimi Qýanyshbek Ysqaqovtyń jazasyn jeńildetý týraly sot qaýly shyǵardy, dep habarlaıdy “Adyrna” ulttyq portaly.
Bul týraly eks-sheneýniktiń qorǵaýshysy Lázzat Ahatova áleýmettik jelide jazdy.
“Qýanyshbek Ysqaqovtyń jazasynyń qalǵan bóligin bas bostandyǵynan aıyrý túrinen shekteý túrine aýystyrdy. Qaýly 15 kúnde kúshine enedi. Iaǵnı, jazasynyń qalǵan bóligin endi úıinde júrip óteıdi”,- dep jazdy qorǵaýshy.
Biraq Qýanyshbek Ysqaqov probaııalyq baqylaýda bolady.
Eske salaıyq, Qýanyshbek Ysqaqov Qyzylorda oblysyn basqarǵan ýaqytynda Arys qalasyna jınalǵan qaıyrymdylyq qorynan 80 mln teńgeni qoldy qyldy dep aıyptalǵan. 2020 jyldyń jeltoqsanynda qylmysy sot dáleldep, Ysqaqov 7 jylǵa túrmege qamalǵan bolatyn.
”Adyrna” ulttyq portaly
