بەلگىلى اكادەميك، فيزيكا-ماتەماتيكا عىلىمدارىنىڭ دوكتورى اسقار جۇمادىلداەۆ قازاقتىڭ تويىنا قاتىستى پىكىر ءبىلدىردى. بۇل تۋرالى قاسقا جول يۋتۋب ارناسىنا بەرگەن سۇحباتىندا ايتتى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، 5-6 ساعاتقا سوزىلاتىن تويدىڭ ۋاقىتىن بارىنشا قىسقارتۋ كەرەك.
"تويدىڭ ۇزاقتىعى 55 مينۋت بولۋى كەرەك. 5 ساعات توي دەگەن سۇمدىق، مەن وعان شىدامايمىن.
اسابالاردىڭ ءسوزى بار "تويدا شاشىلماساڭ، نە ءۇشىن جۇمىس ىستەدىڭ؟" دەگەن. ولار حالىقتى وسىلاي اقىماق قىلىپ وتىر. توي جاساسام مەن سول 50 مينۋتقا سىيدىرامىن. بارلىعىنا مىلجىڭداتىپ تىلەك بەرۋدىڭ قاجەتى جوق، ويتكەنى بارلىعىنىڭ ايتاتىنى ءبىر. 1-2 اقساقال شىعىپ ءسوز سويلەسە بولدى ەمەس پە؟!", — دەيدى اسقار جۇمادىلداەۆ.
”ادىرنا” ۇلتتىق پورتالى
