نوۆوروسسيسك قالاسىنىڭ پريمورسك اۋداندىق سوتى 5 شىلدەدەن باستاپ كاسپي قۇبىر كونسورتسيۋمىنىڭ (رف جانە قازاقستاننىڭ قاتىسۋىمەن كقك كومپانياسى) قىزمەتىن 30 كۇنگە توقتاتۋ تۋرالى شەشىم قابىلدادى، - دەپ حابارلايدى "ادىرنا" ءتىلشىسى ربك-عا سىلتەمە جاساپ.
وعان سەبەپ روسترانسنادزوردىڭ كقك ءوندىرىس ورىندارىندا ەكولوگيالىق بۇزۋشىلىقتاردى انىقتاعان تەكسەرۋى بولدى. تەكسەرۋ 6 مامىردا ۆيتسە-پرەمەر ۆيكتوريا ابرامچەنكونىڭ تاپسىرماسى بويىنشا ءوتىپ، ءبىر ايدان كەيىن حاتتاما جاسالعان.
"كاسپي قۇبىر كونسورتسيۋمى رەسەي فەدەراتسياسىنىڭ زاڭنامالىق شەڭبەرىندە جۇمىس ىستەيدى جانە سوت شەشىمىن ورىنداۋعا ءماجبۇر. شەشىم زاڭدا بەلگىلەنگەن تارتىپپەن شاعىمدانادى", - دەدى كومپانيا وكىلدەرى.
كقك-نىڭ ەڭ ءىرى اكتسيونەرلەرى – ترانسنەفت (24 پايىز) جانە قازمۇنايگاز (19 پايىز). ۇزىندىعى 1511 شاقىرىم بولاتىن تەڭىز-نوۆوروسسيسك مۇناي قۇبىرى قازاقستاننىڭ جالپى ەكسپورتتىق مۇنايىنىڭ ۇشتەن ەكىسىنەن استامىن بەرەدى. CPC تەڭىز تەرمينالى ءۇش قاشىقتان بايلاۋ قوندىرعىسىمەن جابدىقتالعان.
