بالالارعا ارنالعان قوس ەڭبەك قازاق تىلىنە اۋدارىلدى

842

«بانك تسەنتركرەديت» اق جانە «مازمۇنداما» قوعامدىق قورى بىرلەسىپ، بالالارعا ارنالعان ەكى كىتاپتى قازاق تىلىنە اۋداردى، دەپ حابارلايدى "ادىرنا" ۇلتتىق پورتالى.

اتاپ ايتساق، بۇگىن «مازمۇنداما» قوعامدىق قورى «بانك تسەنتركرەديت» اق دەمەۋشىلىگىمەن قازاق تىلىنە اۋدارعان شون كوۆيدىڭ «جاسامپاز جاسوسپىرىمدەردىڭ 7 داعدىسى. ۇتقىر ءارى وزىق بولۋدىڭ جولدارى» جانە سابول ستەفانيدىڭ «كۇن جۇيەcى قايدا ورنالاسقان؟» اتتى كىتاپتار كوپشىلىككە تانىستىرىلدى.

«ءبىز وسكەلەڭ ۇرپاققا ءجىتى كوڭىل بولەمىز. الەمدىك دەڭگەيدەگى تۋىندىلاردىڭ قازاق تىلىنە اۋدارىلۋى ماڭىزدى يدەولوگيا دەپ ويلايمىن. بالا – ەرتەڭگى ەل ازاماتى، ال جاستار – ەلدىڭ بولاشاعى. سول سەبەپتى كىتاپ وقۋ – بولاشاققا سالىناتىن ينۆەستيتسيا. جالپى، بانك بالالارعا ارنالعان كوپتەگەن الەۋمەتتىك باستامالاردى قولداپ قانا  قويماي، دەربەس جوبالاردى دا جۇزەگە  اسىرىپ كەلەدى. قازىرگى تاڭدا ءبىز شاحمات فەدەراتسياسىن، «بالانى قورعاۋ» جوباسىن مەكتەپتەرگە ەنگىزىپ، بانك بولىمشەلەرىندە Junior bank نەگىزىندە بالالارعا ارنالعان Kids room باستاماسىن جۇزەگە اسىرىپ جاتىرمىز»، – دەدى «بانك تسەنتركرەديت» اق باسقارما توراعاسى عالىم حۇساينوۆ.

جوعارى سۇرانىسقا يە بەستسەللەر تۋىندىلار بۇگىندە ەلىمىزدىڭ بارلىق كىتاپ دۇكەندەرىنە ساتىلىمعا شىقتى. وقىرماندارعا تاعى ءبىر جاعىمدى جاڭالىق — الدىن الا تاپسىرىسپەن اتالعان كىتاپتاردىڭ ەلەكتروندى نۇسقاسىن دا الۋعا بولادى.

— «مازمۇنداما» قوعامدىق قورى وسى ۋاقىتقا دەيىن دۇنيەجۇزىنە ميلليونداعان دانامەن تاراعان بەستسەللەرلەردى، الەم ادەبيەتىنىڭ جاۋھارلارىن، تانىمدىق تۋىندىلاردى، جالپى العاندا 70-كە جۋىق كىتاپتى قازاق تىلىنە اۋداردى. ءبىزدىڭ ماقساتىمىز – قازاق ءتىلىنىڭ مازمۇنىن بايىتۋ ارقىلى قازاق جاستارىنىڭ ءوز انا تىلىندە ماڭىزدى اقپاراتتاردى الۋىنا ىقپال ەتۋ. وسى ماقساتتى جۇزەگە اسىرۋ جولىندا بىزگە قولداۋ كورسەتىپ، دەمەۋشى بولعان «بانك تسەنتركرەديت» اق باسشىلىعىنا العىس ايتقىمىز كەلەدى»، – دەيدى «مازمۇنداما» قوعامدىق قورى باسشىسى سەيىلحان تەڭىز.

كىتاپتاردى تانىستىرۋ ءىس-شاراسى «الماتى كىتاپ» باسپا ۇيىندە ءوتتى. تۇساۋكەسەرگە ەكى كىتاپتىڭ دا قازاق تىلىندە جارىق كورۋىنە اتسالىسقان شىعارماشىلىق توپ، ك. بايسەيىتوۆا اتىنداعى دارىندى بالالارعا ارنالعان مەكتەپ-ينتەرناتتىڭ وقۋشىلارى، «يگرا» اكتەرلىك مەكتەبىنىڭ شاكىرتتەرى، لەرمونتوۆ اتىنداعى ۇلتتىق ورىس تەاترىنىڭ اكتەرلەرى مەن «جاس ساحنا» تەاترىنىڭ اكتەرلەرى قاتىستى. ءىس-شاراعا اقپاراتتىق قولداۋ كورسەتۋ ءۇشىن 60-تان اسا باق وكىلى كەلدى. ولاردىڭ قاتارىندا ءبىزدىڭ «ادىرنا» ۇلتتىق پورتالىنىڭ باس رەداكتورى ارمان اۋباكىر دە بار.

— «بانك تسەنتركرەديت»-ءتىڭ وسىنداي باستاما كوتەرىپ، بالالارعا ارنالعان پايدالى جوبالاردى جۇزەگە اسىرىپ جاتقانىنا قۋانىشتىمىز. الداعى ۋاقىتتا ءبىلىم كوكجيەگىن كەڭەيتەمىن دەگەن ءاربىر وقىرمان، ءاربىر بالا وسى كىتاپتاردى وقىسا ەكەن دەيمىز. ءبىز دە وسى شارانى اقپاراتتىق قولداۋ ءۇشىن تۇساۋكەسەر راسىمىنە قاتىستىق. بيىلعى بالالار جىلىندا بۇل ءبىزدىڭ بالالارىمىزعا ۇلكەن قولداۋ، — دەيدى  «ادىرنا»  ۇلتتىق پورتالىنىڭ باس رەداكتورى ارمان اۋباكىر.

 

«ادىرنا» ۇلتتىق پورتالى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket