Balalarǵa arnalǵan qos eńbek qazaq tiline aýdaryldy

878

«Bank entrKredıt» AQ jáne «Mazmundama» qoǵamdyq qory birlesip, balalarǵa arnalǵan eki kitapty qazaq tiline aýdardy, dep habarlaıdy "Adyrna" ulttyq portaly.

Atap aıtsaq, búgin «Mazmundama» qoǵamdyq qory «Bank entrKredıt» AQ demeýshiligimen qazaq tiline aýdarǵan Shon Kovıdiń «Jasampaz jasóspirimderdiń 7 daǵdysy. Utqyr ári ozyq bolýdyń joldary» jáne Sabol Stefanıdiń «Kún júıeci qaıda ornalasqan?» atty kitaptar kópshilikke tanystyryldy.

«Biz óskeleń urpaqqa jiti kóńil bólemiz. Álemdik deńgeıdegi týyndylardyń qazaq tiline aýdarylýy mańyzdy ıdeologııa dep oılaımyn. Bala – erteńgi el azamaty, al jastar – eldiń bolashaǵy. Sol sebepti kitap oqý – bolashaqqa salynatyn ınvestıııa. Jalpy, bank balalarǵa arnalǵan kóptegen áleýmettik bastamalardy qoldap qana  qoımaı, derbes jobalardy da júzege  asyryp keledi. Qazirgi tańda biz shahmat federaııasyn, «Balany qorǵaý» jobasyn mektepterge engizip, bank bólimshelerinde Junior bank negizinde balalarǵa arnalǵan Kids room bastamasyn júzege asyryp jatyrmyz», – dedi «Bank entrKredıt» AQ Basqarma tóraǵasy Ǵalym Husaınov.

Joǵary suranysqa ıe bestseller týyndylar búginde elimizdiń barlyq kitap dúkenderine satylymǵa shyqty. Oqyrmandarǵa taǵy bir jaǵymdy jańalyq — aldyn ala tapsyryspen atalǵan kitaptardyń elektrondy nusqasyn da alýǵa bolady.

— «Mazmundama» qoǵamdyq qory osy ýaqytqa deıin dúnıejúzine mıllıondaǵan danamen taraǵan bestsellerlerdi, álem ádebıetiniń jaýharlaryn, tanymdyq týyndylardy, jalpy alǵanda 70-ke jýyq kitapty qazaq tiline aýdardy. Bizdiń maqsatymyz – qazaq tiliniń mazmunyn baıytý arqyly qazaq jastarynyń óz ana tilinde mańyzdy aqparattardy alýyna yqpal etý. Osy maqsatty júzege asyrý jolynda bizge qoldaý kórsetip, demeýshi bolǵan «Bank entrKredıt» AQ basshylyǵyna alǵys aıtqymyz keledi», – deıdi «Mazmundama» qoǵamdyq qory basshysy Seıilhan Teńiz.

Kitaptardy tanystyrý is-sharasy «Almaty Kitap» baspa úıinde ótti. Tusaýkeserge eki kitaptyń da qazaq tilinde jaryq kórýine atsalysqan shyǵarmashylyq top, K. Baıseıitova atyndaǵy daryndy balalarǵa arnalǵan mektep-ınternattyń oqýshylary, «Igra» akterlik mektebiniń shákirtteri, Lermontov atyndaǵy ulttyq orys teatrynyń akterleri men «Jas Sahna» teatrynyń akterleri qatysty. Is-sharaǵa aqparattyq qoldaý kórsetý úshin 60-tan asa BAQ ókili keldi. Olardyń qatarynda bizdiń «Adyrna» ulttyq portalynyń bas redaktory Arman Áýbákir de bar.

— «Bank entrKredıt»-tiń osyndaı bastama kóterip, balalarǵa arnalǵan paıdaly jobalardy júzege asyryp jatqanyna qýanyshtymyz. Aldaǵy ýaqytta bilim kókjıegin keńeıtemin degen árbir oqyrman, árbir bala osy kitaptardy oqysa eken deımiz. Biz de osy sharany aqparattyq qoldaý úshin tusaýkeser rásimine qatystyq. Bıylǵy Balalar jylynda bul bizdiń balalarymyzǵa úlken qoldaý, — deıdi  «Adyrna»  ulttyq portalynyń bas redaktory Arman Áýbákir.

 

«Adyrna» ulttyq portaly.

Pikirler
Redakııa tańdaýy