25 ماۋسىم كۇنى ماسكەۋدە «ەير استانا» قازاقستاندىق اۋە كومپانياسىنىڭ باسشىلىعى جۋرناليستەر جانە بلوگەرلەرمەن پرەسس-برانچ وتكىزدى. كەزدەسۋ بارىسىندا حالىقارالىق جولاۋشىلار اۋە تاسىمالىنىڭ دامۋ ۇدەرىسى مەن جاڭا باعىتتارى، رەسەيلىك نارىقتاعى جۇمىس ناتيجەسى مەن بولاشاعى تۋرالى ايتىلدى. سونداي-اق شارا كەزىندە كومپانيا پرەزيدەنتى پيتەر فوستەرگە تمد ەلدەرىندە جولاۋشى اۆياتسياسىن دامىتۋعا سىڭىرگەن ەڭبەگى ءۇشىن «كەرەمەت ادامداردىڭ ءومىرى» الەمدىك قاۋىمداستىعىنىڭ قۇرمەتتى مۇشەسى» التىن بەلگىسى تابىس ەتىلدى.
«رەسەي – ءبىز ءۇشىن قىتاي مەن ءۇندىستانمەن قاتار تۇرعان وتە ماڭىزدى جانە كەلەشەگى زور نارىقتىڭ ءبىرى. سوندىقتان باعىتتاعى رەيس جيىلىگىن جۇيەلى تۇردە ارتتىرىپ وتىرامىز. قازىرگى كەزدە ءبىز ماسكەۋ، سانكت-پەتەربور، ەكاتەرينبور، نوۆوسىبىر باعىتىندا كۇندەلىكتى رەيس جاسايمىز. سونداي-اق 6 اۋا كەڭىستىگىندەگى ترانزيتتىك پوتەنتسيال قىزىقتى، بۇل ءۇشىن ءبىز جولاۋشىلارعا ءتيىمدى باعىت ءتۇيىسىن جانە Stovoper Holidays باعدارلاماسىن ۇسىنىپ وتىرمىز» دەيدى پيتەر فوستەر.
اۋە كومپانيانىڭ ۇشاعى العاش رەت رەسەيگە الماتى مەن استانا قالالارىن ماسكەۋمەن جالعاستىرىپ 2002 جىلدىڭ قىركۇيەگىندە ۇشقان. ال 2009-2012 جىلدار ارالىعىندا استانادان ءنوۆوسىبىر، ەكاتەرينبور، ومبى مەن سانكت-پەتەربورعا، الماتىدان سانكت-پەتەربور مەن قازانعا قاتىنايتىن رەيستەر اشىلدى. ولارعا بيىلعى ماۋسىمنىڭ باسىنان استانادان تۇمەن مەن قازان قالالارىنا قاتىنايتىن باعىتتار قوسىلدى. وسىلايشا، «ەير استانا» 10 باعىت بويىنشا رەسەيلىك 7 قالاعا تۇراقتى تىكەلەي جولاۋشى تاسىمالدايدى.
رەسەي نارىعىندا جۇمىس ىستەگەن 16 جىل ىشىندە «ەير استانا» 4,5 ميلليون جولاۋشى مەن 24 مىڭ توننا جۇك تاسىمالداپتى. 13 ميلليوننان اسا جولاۋشى شاقىرىمىن ۇشىپ وتكەن. العاشقى 5 اي قورىتىندىسىندا رەسەيلىك باعىتتار بويىنشا جولاۋشى ورىنداردىڭ ورتاشا تولىمدىلىعى 67,25 پايىزدى قۇراعان.
اۋەتاسىمالداۋشى رەسەيلىك جولاۋشىلار ءۇشىن ازيا ەلدەرى، تاياۋ شىعىس، كاۆكاز ەلدەرىنە، ال سىبىرلىك قالالاردان كەلگەن جولاۋشىلار ءۇشىن ەۋروپا مەن تۇركياعا اپاراتىن ءتيىمدى باعىت ءتۇيىسىن ۇسىنادى. ساپارى ءبىر كۇننەن اساتىن، استانا مەن الماتىدا باعىتى تۇيىسەتىن جولاۋشىلار ءۇشىن 1 اقش دوللارى تۇراتىن Stovoper Holidays تۋريستىك پاكەتىن ۇسىنادى، بۇل پاكەتكە العاشقى كۇنى قوناقۇيدە ءبىر ءتۇن تۇنەۋ مەن اۋەجايدان قوناقۇيگە اپارىپ، الىپ كەلەتىن ترانسفەر كىرەدى.
«ەير استانا» اق
كورپوراتيۆتىك كوممۋنيكاتسيالار جونىندەگى دەپارتامەنت
