سەڭ قوزعالدى، اعايىندار!
جۇدىرىقتاي جۇمىلىڭىزدار!
اكىمدەرگە جالتاقتاپ وتىراتىن ۋاقىت كەلمەسكە كەتتى.
بۇرىنعى وبلىستىق جەر ينسپەكتسيالارى «جەر رەسۋرستارىن رەتتەۋ دەپارتامەنتى» بولىپ وزگەرىپ، اۋدان تۇگىلى وبلىس اكىمدىگىنە دە باعىنبايتىن بولدى.
قر پرەزيدەنتى قاسىم-جومارت توقاەۆتىڭ 2022 جىلعى 1 قاڭتارداعى شەشىمىمەن بۇرىنعى وبلىستىق جەر ينسپەكتسيالارى «جەر رەسۋرستارىن رەتتەۋ دەپارتامەنتتەرى» بولىپ وزگەرىپ، تىكەلەي استاناداعا اۋىلشارۋاشىلىعى مينيسترلىگى جانىنداعى جەر رەسۋرستارىن رەتتەۋ كوميتەتىنە قاراتىلىپ، وبلىس اكىمدىگىنە دە، اۋدان اكىمدىگىنە دە باعىنبايتىن، قۇزىرەتى بولەك ورگان بولىپ، جەكە ەنشىسىن الىپ شىقتى. ەندى اتالعان دەپارتامەنت اكىمشىلىكتەردىڭ ۇستىنەن جەردى پايدالانۋدى، اكىمدەردىڭ قانداي شەشىمدەر شىعارىپ وتىرعانىن باقىلايتىن ۆەرتيكالدى ورگانعا اينالدى. قازىرگى جەر داۋلارىنىڭ شەشىمىن تابۋىنا بۇل وزگەرىستىڭ ماڭىزى وتە زور بولىپ تۇر.
قۇرمەتتى اعايىندار، پرەزيدەنتتىڭ بۇل شەشىمى اكىمشىلىكپەن سىبايلاسقان جەمقورلارعا قاقپان بولعان وتە دۇرىس شەشىم بولدى. وسى پروتسەستەرگە بايلانىستى ءبىز جەر داۋلارى بويىنشا شۇعىل ارەكەتتەرگە كىرىسىپ كەتتىك.
بۇل مالىمەتتى قازاقستانعا بەلگىلى جۋرناليست، زاڭگەر، قوعام بەلسەندىسى امانگەلدى باتىربەكوۆ اعامىز باسشىلىق ەتەتىن «س-ينفورم» رەسپۋبليكالىق اقپاراتتىق باسىلىمى «جەر ينسپەكتسيا باسقارماسى ەندى دەپارتامەنت بولدى» دەگەن تاقىرىپپەن ارنايى ماقالا ەتىپ باسىپ شىعارعان ساتتەن باستاپ، ءبىز ارەكەت جاساپ، دەپارتامەنتتەگى ماماندارمەن تىعىز جۇمىس ىستەپ، جاقسى ناتيجەلەرگە جەتتىك. بۇل ناتيجەلەردى كەلەسى ماقالالاردا رەتىمەن سالىپ وتىرامىن.
پرەزيدەنتتىڭ وسى شەشىمى شىققانان كەيىن، قازىر قازاقستاننىڭ بارلىق وبلىستارىندا جەر داۋلارى قايتا كوتەرىلىپ، جەردى حالىققا قايتارۋ پروتسەستەرى باستالدى.
تۇركىستان قالاسىندا قر اشم جانىنداعى جەر رەسۋرستارىن رەتتەۋ كوميتەتىنىڭ توراعاسى مۇرات تەمىرجانوۆ ۇيىمداستىرعان ماجىلىسكە ارنايى كەلىپ، التىنتوبە اۋىلى وكرۋگىندەگى 30 جىل بويى ۋشىققان، ءتىپتى ازاماتتارى سوتتالىپ جاتقان جەر داۋى توڭىرەگىندەگى جاعدايداردى ايتتىم. ماجىلىسكە اكىمدەر، دەپارتامەنت باسشىلارى، بارلىق اۋدانداردان ادامدار كەلىپ قاتىستى. ءبىرىنشى باسشىعا التىنتوبە اۋىلى وكرۋگىندەگى ورىن العان داۋلى ماسەلەلەردىڭ رەسمي اقپاراتتىق باسىلىمدارعا باسىلىپ شىققانىن جەتكىزدىم.
ءدال قازىرگى ۋاقىتتا اشم جانىنداعى جەر رەسۋرستارىن رەتتەۋ كوميتەتىنىڭ توراعاسى مۇرات تەمىرجانوۆ ەلدىڭ بارلىق وبلىستارىنا، اۋداندارىنا، اۋىل وكرۋگتەرى مەن اۋىلدارىنا دەيىن بارىپ، حالىقپەن كەزدەسىپ، ۋشىققان جاعدايدى ءوز كوزىمەن كورىپ، ەلمەن تىعىز جۇمىس جاساپ، جەردى حالىققا رەتىمەن قايتارىپ جاتىر.
دەپارتامەنتتەردىڭ ءبارى جۇمىسقا كىرىستى.
سەڭ قوزعالدى اعايىندار. ءبارىڭىز ىنتىماق پەن بىرلىككە كەلىپ، جەردى حالىقتىڭ يگىلىگىنە قايتارۋعا جۇمىلاتىن كەزەڭدە تۇرسىزدار.
سىزدەرگە جەر داۋلارى بويىنشا ىستەپ جاتقان جۇمىستاردىڭ ناتيجەلەرىن ورتاعا سالىپ وتىرامىن. جەر داۋلارىنا قاتىستى نازارلارىڭىزعا بىرنەشە ماقالا شىعارامىن.
سىزدەرگە بۇل اقپاراتتار وتە قاجەت بولادى دەگەن سەنىمدەمىن!
بەكبولات قارجان
