قازاقستان قىتاي اراسىنداعى اۋە قاتىناسى جانداندى

3038
Adyrna.kz Telegram

قازاقستان مەن قىتاي 1 شىلدەدەن باستاپ تىكەلەي اۋە قاتىناسىن جانداندىرادى، دەپ حابارلايدى قحر-دىڭ نۇر-سۇلتانداعى ەلشىلىگى.

قازاقستان كوروناۆيرۋستىڭ ەل اۋماعىندا تارالۋىنا جول بەرمەۋ ماقساتىندا 2020 جىلدىڭ اقپانىندا قىتايمەن تۇراقتى جولاۋشىلار اۆياتاسىمالىن توقتاتتى.

"قىتاي مەن قازاقستان اراسىنداعى ءتيىستى كەلىسىمگە سايكەس، 1 شىلدەدە ەكى ەل اراسىنداعى تىكەلەي كوممەرتسيالىق رەيستەر قايتا جانداندى", - دەلىنگەن ەلشىلىكتىڭ حابارلاماسىندا.

قازاقستاننان قىتايعا باراتىن جولاۋشىلارعا بىرقاتار راسىمنەن ءوتۋ قاجەت ەكەنى تۇسىندىرىلگەن. ولار ۇشۋ الدىندا وقشاۋلانۋعا 10 كۇن جۇمساۋى كەرەك، دەنساۋلىعىن ءوز بەتىنشە باقىلاپ، ءتيىستى كەپىلدىك حاتقا قول قويۋى كەرەك.

“ادىرنا” ۇلتتىق پورتالى

پىكىرلەر