قازاقستان پرەزيدەنتى قاسىم-جومارت توقاەۆ كەشە نۇر-سۇلتاندا قىرعىزستاننىڭ بۇرىنعى پرەزيدەنتى اسقار اقاەۆتى جۇبايىمەن قابىلدادى، دەپ حابارلايدى "ادىرنا" ۇلتتىق پورتالى "orda.kz"-كە سىلتەمە جاساپ.
بۇل تۋرالى قىرعىزستاندىق 24.kg حابارلايدى.
تاراپتار عىلىم، ءبىلىم، تسيفرلىق ەكونوميكا جانە ادام رەسۋرستارىن دامىتۋ تەندەنتسيالارى ماسەلەلەرىن، سونداي-اق كليماتتىڭ وزگەرۋى ماسەلەلەرى مەن الەمدە بولىپ جاتقان وقيعالاردى تالقىلادى.
اسقار اقاەۆ 19 ماۋسىمدا ءال-فارابي اتىنداعى قازاق ۇلتتىق ۋنيۆەرسيتەتىندە «ەجەلگى داۋىردەگى دەموگرافيالىق ديناميكا جانە ادامزات بولاشاعى» تاقىرىبىندا ءدارىس وقىدى.
ەسكە سالايىق، قىرعىز رەسپۋبليكاسىنىڭ بيلىكتەن كەتكەن تۇڭعىش پرەزيدەنتى اسقار اقاەۆ بىشكەككە سوڭعى رەت 2021 جىلدىڭ 14 جەلتوقسانىندا ۇشىپ كەلدى. سول كزدە ول ۇلتتىق قاۋىپسىزدىك كوميتەتىنە جاۋاپ بەرىپ، تەرگەۋمەن مامىلەگە كەلىپ، «قۇمتور» ءىسى بويىنشا كىناسىن مويىندادى.
"ادىرنا" ۇلتتىق پورتالى
