دۋمان بىقاي: قازاقستاننىڭ قارجى نارىعىنا جاۋاپتى تۇلعالار رەسەي اگرەسسياسىن اقتاۋدان ارلانباي وتىر

1220

كەشە تساليۋك دەگەن ساراپشىنىڭ ءدارىسىن تىڭداپ قايتتىق. تەگىن ادام ەمەس. "قازاقستان قور بيرجاسى" (KASE) توراعاسىنىڭ بىلدەي ورىنباسارى دەيدى.

ءوزى كيەۆتىڭ تۋماسى كورىنەدى. قارجى جاعىن دا ءبىرشاما بىلەتىنگە ۇقسايدى. بىراق رەسەيشىلدىگى باسىم ءتۇسىپ تۇر. الدىنداعى اۋديتورياعا ءپۋتيننىڭ شاپقىنشىلىعىن اقتايتىنىن ايتقىسى كەپ، باسقىنشىلارعا بۇيرەگى بۇراتىنى بايقالىپ-اق تۇردى. ونىسىن جاسىرمايتىن سەكىلدى.

قور نارىعىنىڭ جاي-جاپسارىن ءسوز ەتكەن تساليۋك "سپەتسوپەراتسيا" دەيتىن ءپۋتيننىڭ سۇيىكتى تەرمينىن ءبىر ەمەس، بىرنەشە رەت قايتالادى.

الگى جەردە ايعاي-شۋ شىعارىپ، تساليۋكتىڭ شاڭىن قاعىپ الۋعا بولار ەدى. وزگە ارىپتەستەردىڭ الدىندا اشۋعا ءمىنىپ، شارانىڭ شىرقىن بۇزعىمىز كەلمەدى.

قازاقستاننىڭ قور نارىعىنا جاۋاپتى تۇلعانىڭ "سپەتسوپەراتسيا" دەپ ساندىراقتاپ وتىرعانى، اقپاراتتىق سالادا وراسان-وراسان ولقىلىقتار بارىن ايعاقتاپ تۇر.

قازاق ءتىلىنىڭ قارجى نارىعىنا تۇمسىق تىعا الماي وتىرعانى دا تساليۋك سەكىلدى ساراپشىسىماقتاردىڭ كەسىرىنەن.

ءپۋتيننىڭ سۇعاناق ساياساتىن قولدايتىن بۇلاردىڭ قازاق تىلىنە تۇساۋ سالۋعا تىرىساتىنى ايداي اقيقات. مەملەكەتتىك ءتىلدىڭ ءورىسى كەڭەيسە تساليۋك سەكىلدىلەردىڭ تىنىسى تارىلادى.

توقاەۆتىڭ تىلگە قاتىستى مالىمدەمەلەرى بۇلارعا موتيۆاتسيا بەرمەيدى.

ايتپاقشى، بۇ كىسىنىڭ بيوگرافياسىندا 3 ءتىلدى جەتىك مەڭگەرگەن دەپ كورسەتىپتى.
وسى شارادا قازاقشا ساۋال قويعان ارىپتەسىمىزگە ورىسشا جاۋاپ بەردى، ونىسى ءۇشىن كەشىرىم سۇراۋعا دا جارامادى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket