Keshe alıýk degen sarapshynyń dárisin tyńdap qaıttyq. Tegin adam emes. "Qazaqstan qor bırjasy" (KASE) tóraǵasynyń bildeı orynbasary deıdi.
Ózi Kıevtiń týmasy kórinedi. Qarjy jaǵyn da birshama biletinge uqsaıdy. Biraq reseıshildigi basym túsip tur. Aldyndaǵy aýdıtorııaǵa Pýtınniń shapqynshylyǵyn aqtaıtynyn aıtqysy kep, basqynshylarǵa búıregi buratyny baıqalyp-aq turdy. Onysyn jasyrmaıtyn sekildi.
Qor naryǵynyń jaı-japsaryn sóz etken alıýk "speoperaııa" deıtin Pýtınniń súıikti termınin bir emes, birneshe ret qaıtalady.
Álgi jerde aıǵaı-shý shyǵaryp, alıýktiń shańyn qaǵyp alýǵa bolar edi. Ózge áriptesterdiń aldynda ashýǵa minip, sharanyń shyrqyn buzǵymyz kelmedi.
Qazaqstannyń qor naryǵyna jaýapty tulǵanyń "speoperaııa" dep sandyraqtap otyrǵany, aqparattyq salada orasan-orasan olqylyqtar baryn aıǵaqtap tur.
Qazaq tiliniń qarjy naryǵyna tumsyq tyǵa almaı otyrǵany da alıýk sekildi sarapshysymaqtardyń kesirinen.
Pýtınniń suǵanaq saıasatyn qoldaıtyn bulardyń qazaq tiline tusaý salýǵa tyrysatyny aıdaı aqıqat. Memlekettik tildiń órisi keńeıse alıýk sekildilerdiń tynysy tarylady.
Toqaevtyń tilge qatysty málimdemeleri bularǵa motıvaııa bermeıdi.
Aıtpaqshy, bu kisiniń bıografııasynda 3 tildi jetik meńgergen dep kórsetipti.
Osy sharada qazaqsha saýal qoıǵan áriptesimizge oryssha jaýap berdi, onysy úshin keshirim suraýǵa da jaramady.
