قازاقستاننىڭ ءىرى جۇمىس بەرۋشىلەرى جاستارعا ارنالعان العاشقى بوس جۇمىس ورىندارىنىڭ ونلاين-جارمەڭكەسىنە قاتىسادى. 27-29 ماۋسىم كۇندەرى ەلەكتروندى ەڭبەك بيرجاسىندا قازاقستاندىق كومپانيالاردىڭ HR-مەنەدجەرلەرى ءوز مەكەمەسىن تانىستىرادى. ولاردان ءار ۇمىتكەر ءوزىن قىزىقتىرعان اقپاراتتى سۇراي الادى. بوس جۇمىس ورىندارى جارمەڭكەسىنە 18-35 جاس ارالىعىنداعى ءار قازاقستان ازاماتى قاتىسۋعا قۇقىلى. ول ءۇشىن Enbek.kz پورتالىندا تىركەۋدەن ءوتۋ قاجەت.
تىركەلۋ ءۇشىن پورتالدىڭ باستى بەتىندەگى جارمەڭكە باننەرىن باسىپ، ءوتىنىم بەرۋ كەرەك. وندا جارمەڭكەگە قاتىسۋ ەرەجەلەرىمەن جانە باعدارلاماسىمەن تانىسۋعا بولادى.
بوس جۇمىس ورىندارى جارمەڭكەسىندە جۇمىس بەرۋشىلەر ونلاين-تانىستىرىلىم وتكىزىپ, وزدەرىنىڭ كومپانياسى, ەڭبەك جاعدايى، بوس جۇمىس ورىندارى جانە وزگە دە اقپارات تۋرالى ايتىپ بەرەدى.
جارمەڭكەدە 1300-دەن استام بوس جۇمىس ورنىن ەۋرازيالىق توپقا (ERG) جانە رەسپۋبليكالىق تاۋ-كەن وندىرۋشىلەرى جانە تاۋ-كەن مەتاللۋرگيالىق كاسىپورىندار قاۋىمداستىعىنىڭ قۇرامىنداعى كومپانيالار، «كاسپي بانك» اق، «قازاقستان حالىق بانكى» اق، «Ernst & Young Kazakhstan» جشس، «ەۆرازيا گرۋپپ قازاقستان» جشس، «Magnum Cash & Carry» جشس، «ءبىرىنشى نەسيە بيۋروسى» جشس جانە باسقا دا كومپانيالار ۇسىنادى.
قاتىسۋشىلار كومپانيالارداعى بوس ورىندارعا قىزىعۋشىلىق تانىتقان جاعدايدا تۇيىندەمەسىن جىبەرە الادى. سونداي-اق، الدىن الا ءوتىنىم بويىنشا قاتىسۋشىلاردىڭ ءتىزىمى جاسالادى، ولاركومپانيانىڭ HR-مەنەدجەرىمەن ونلاين سۇحباتتاساالادى.
ەلەكتروندى ەڭبەك بيرجاسىنداعى ونلاين-جارمەڭكەنى قر ەڭبەك جانە حالىقتى الەۋمەتتىك قورعاۋ مينيسترلىگى مەن «ەڭبەك رەسۋرستارىن دامىتۋ ورتالىعى» اق بىرلەسىپ ۇيىمداستىردى.
جارمەڭكە جۇمىس ىزدەۋشىگە جۇمىس تابۋدى جەڭىلدەتەدى. ال جۇمىس بەرۋشىلەرگە بوس جۇمىس ورنىنا لايىقتى قىزمەتكەر تابۋعا مۇمكىندىك بەرەدى.
قازاقستاندىقتاردى جارمەڭكەگە بەلسەنە قاتىسۋعا شاقىرامىز.
