الەمدەگى گەوساياسي احۋال ۋشىققاننىڭ ۇستىنە ۋشىعىپ بارادى. اسىرەسە، ورتا ازياداعى ەلدەردىڭ جاعدايى ءماز ەمەس. ابىگەرگە تۇسكەن پۋتين كورشىلەرىن ءوز تاراپىنا تارتىپ الەك. الايدا ول سانكت-پەتەربۋرگتە وتكەن فورۋمدا توقاەۆتان كۇتپەگەن سوققى الدى. پرەزيدەنت كرەمل قولداپ وتىرعان ۋكراينا جەرىندەگى سەپاراتيستەردىڭ ارەكەتىن قولدامايتىنىن اشىق ايتتى. راسىندا حالىقتىڭ قالاۋى، كوپتىڭ تىلەۋى وسى...
بۇل مالىمدەمە بازبىرەۋلەردىڭ قىتىعىنا ءتيىپ كەتسە كەرەك، كەشەلى بەرى الەۋمەتتىك جەلىگە مازا جوق. ءتىپتى ءتاۋىر دەگەن قادىروۆتىڭ ءوزى تەنتەك بولىپ شىقتى.
سوزىنشە، قاڭتار وقيعاسى كەزىندە قازاقستاندى رەسەي قۇتقارىپ قالىپتى-مىس... سوراقىسى سول «اتا-بابالارىمىزدى ولتىرگەن ۇلتشىلدارعا قارسى ۇستانىمدارىڭ جوق» دەپ قويىپ قالدى.
وسىلايشا، رامزان كوكەمىز ايتا الماي جۇرگەن وكپە-نازىن جاسىرمادى. بايقاۋىمىزشا، قادىروۆقا ورتا ازيا ەلدەرىنىڭ سوعىسقا قاتىستى ساياسي ۇستانىمى ۇنامايتىن ءتارىزدى. وسىندايدا كرەملدىڭ كەنجەسىنە اقىل ايتاتىن راقىشەۆ قايدا دەرسىڭ؟
قايتكەنمەندە قازاقستان مەن شەشەنستان اراسىنداعى جاقشانىڭ ىشىندەگى بارىس-كەلىستى كەڭەس راقىشەۆتاي ەشكىمنىڭ دامىتا قويماعانى انىق. الايدا ونىڭ وزگەگە اقىل ايتار شاماسى جوق. ويتكەنى بيزنەستەگى سەنىمدى سەرىكتەرى شەتىنەن ۇستالىپ جاتقاندا، ونىڭ دا ءوز باسىن اراشالاپ الۋ قامىندا وتىرعانى بەلگىلى.
اشىپ ايتار بولساق، ءدال وسى كەڭەس راقىشەۆتىڭ قادىروۆپەن ءبىلىپ بۇلدىرگەن بىلىقتارى بارشىلىق.
Rucriminal.info باسىلىمىنىڭ دەرەگىنشە، راقىشەۆ قادىروۆ ارقىلى قۇپيا قارجىنى شەتەل اسىرىپ وتىرعان. دالىرەك ايتقاندا، يزرايل، ەۋروپا جانە اقش-قا. قازىر دە ول ارەكەت جالعاسىپ جاتقانعا ۇقسايدى. باسىلىمنىڭ بايلامىنشا، قارجىنىڭ ەداۋىر بولىگى نۇرسۇلتان نازارباەۆتىڭ كۇيەۋ بالاسى تيمۋر قۇلىباەۆقا تيەسىلى ەكەن.
ءتىپتى، بۇل جىمىسقى ارەكەتكە راقىشەۆتىڭ قايىن اتاسى يمانعالي تاسماعامبەتوۆتىڭ دە قاتىسى بار كورىنەدى. تاسماعامبەتوۆتىڭ ەلشىلىك قىزمەتتەن كەتۋىنە رەسەي مەن قازاقستان اراسىنداعى «بەنزين ماسەلەسى» اسەر ەتكەن بولۋى مۇمكىن. سەبەبى قايبىر جىلدارى يمانعالي تاسماعامبەتوۆتىڭ ءىنىسى ءىلياس تاسماعامبەتوۆ اقتوبەدەگى مۇناي وڭدەۋ زاۋىتىنىڭ باس ديرەكتورى بولعانىن بىلەمىز. ول زاۋىتتى باسقارىپ تۇرعان تۇستا، مۇناي جانە مۇناي ونىمدەرىن ۇرلاۋ ىسىنە قاتىستى زاڭسىزدىقتار انىقتالعان.
ازىرگە، رامزاننىڭ راحاتىنا، كەڭەستىڭ كوكسەگەنىنە كەتكەن قارجىنىڭ «جاڭا قازاقستاندا» سۇراۋى بار ما، جوق پا بەلگىسىز؟! ال قۇلىباەۆ بولسا، جۇمعان اۋزىن اشار ەمەس...
"ادىرنا" ۇلتتىق پورتالى
